عرض للطباعة
أقيم هذا الرديح في مدينة جدة يوم الأربعاء ليلة الخميس 1-2/4/1420 هـ بمناسبة زفاف
الشاب / الشريف مجدي بن أحمد الدبيش إبن الشاعر الشريف أحمد الدبيش وقد حضره من جانب
شعراء ينبع البحر:
الشريف أحمد الدبيش ، عايش سليم الدميخي ، ناصر ظاهر الحجوري
من جانب شعراء ينبع النخل :
محمد بن مازن القبساني ، الشريف محمد بشيبش ، عواد عليثة أبو رقيبة ، مسعد بن سعد الشطيري ،
حمد بن سالم القبساني ،عطية الله الفدعاني
**************************************************
وإليكم ألحان الرديح متتابعة :
مشكور أخي الكريم على هذا الجهد الموفق واسمح لي أنت وأستاذي الفاضل أبو سفيان بإعادة الكتابة عن طريق كود الشعر ليسهل على الجميع قراءة هذه المشاركة الرائعة
-------------------------------------------
[poet font="Simplified Arabic,4,blue,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
لحن ليحاني
ينبع البحر:
لجل الرفق حتم الميقاف =واجب علينا وجينا له
سلام ضافي على الأشراف = وضافي على الصف ورجاله
ينبع النخل:
هذا الوجب ماعليه خلاف = كل الرجاجيل تسعى له
ترحيب ياكامل الأوصاف =منا ولا نبغى بداله
ينبع البحر :
مالك ومالي عنه محراف = درب الوجب يعرف أبطاله
ومادمت مرقب على المشراف = قبيلكم نال آماله
ينبع النخل:
الطيب للطيبين أهداف = وكلاً ينزل بمنزاله
ومن لايحث القدم له طاف = ما نال قسمه مع أمثاله
ينبع البحر:
وقفت دقايق حروف القاف = مع صفنا حداد لهلاله
اللي إدرق عن سمانا وعاف = دار الفنا وأصبح لحاله
ينبع النخل:
قدأيش من غاب ما ينشاف =ومن فيه يبقى على حاله
وياما بكينا على الأسلاف = وكلاً حسوسه على باله
ينبع البحر:
اليوم جال النظر ماشاف = في ساحة العام خيّاله
لا تلوم دمعي لو إنه زاف = وشاهد الكل هلاّله
ينبع النخل:
اللي على حد شوفه شاف = ولا شاف من كان في إقباله
هذاك عن مارغب وصّاف = كل حي له حي يشقاله
لحن سلام
ينبع النخل:
نبغى التفاهم مع الكتّاب = اللي لهم شان بالتوثيق
في إعناقهم منطق الآداب = ما يسجلون الذي ما يليق
ينبع البحر:
قدام أفيدك في هذا الباب = الأمر محتاج للتحقيق
ولا بان ما يقصد الأحباب = نجري في هذا الأمر تنسيق
ينبع النخل:
ما بيننا فالكلام حجاب = اللي لنا يقصد التفريق
أحسب للأجيال ألف حساب = حكم العدل طبقه تطبيق
ينبع البحر:
ما كل كاتب ضميره غاب = ولا كل من حالف التوفيق
ومهما أخذ فالكلام وجاب = إن كان عنده ضمير يفيق
ينبع النخل:
اللي ما يبغى النفوس طياب = ويرتاح يوم القلوب تضيق
ويش يقصره والعدل مطلاّب = يا معلقين الحكم تعليق
ينبع البحر:
هذاك تسعى وراه أسباب = وتشوقه للأسى تشويق
ومن كان مشرف على المرقاب = مايهمه الزيف والتلفيق
ينبع النخل:
ويش له عذر يجعله مايهاب = عواقب النقد والتسويق
نبغى بعرفك جزا وعقاب = واضح كما الشمس فالتشريق
ينبع البحر:
لو كان نصح الأحبة ثاب = يا كم نصحي عليهم سيق
ياللأسف صدّق الكذاب = اللي له أهداف فالتوهيق
ومادام تسعى وراه أحزاب = وتغريه بالطبل والتصفيق
ماعاج يبقى عليه عتاب = ولا ينوبه إلا نشاف الريق
لحن زمانين
ينبع البحر:
الود طوّر أساليبه =اللي بها يملك العشّاق
وصار إيتفنن في تعذيبه = لقلوب ذابت من الأشواق
ينبع النخل:
الود عالي بترتيبه = اللي إعتلى فالفؤاد وفاق
إذا تعمق بتهذيبه = يرسى مراسيه فالأعماق
ينبع البحر:
من جرب العشق يدري به = ويدري المعاناه والإرهاق
لا هوّد الليل يسري به = شوقه للأحباب فالآفاق
ينبع النخل:
الود سلطان له هيبه = من دون ذمة ولا ميثاق
لو كان صفيت مشاريبه = اللي إبتلى به ماعمره راق
ينبع البحر:
الود ودي وراضي به = رغم العنا والعذاب الشاق
لكن تمادى في تغريبه = وأنا على ملايمه مشفاق
ينبع النخل:
لو إنك أحسنت تدريبه = وبينكم فالأساس وثاق
يرسي معك حيث ترسي به = وبينكم ما يصير فراق
وألا لهم حي ناحي به = وإلتفت الساق خلف الساق
هذا على العاشق مصيبه = ما تلام في مفارق الأرفاق
لحن مالك الروح
ينبع النخل:
باقي للأجراح باقيها = في قلب طبه عنه موقوف
آسالكم ويش يبريها = ويزيل عنا العنا والخوف
ينبع البحر:
الشأن شأنك وراعيها = أكيد عندك سبب معروف
وشبه توقف مداويها = وأصبح عن علاجها مكفوف
ينبع النخل:
جرّاح الأجراح مسقيها = في سم خافي ماهو مكشوف
وحكمة الطب مخفيها = بعلاج عنده لنا موصوف
ينبع البحر:
مادام الأسباب متقيها = وعيا عليك الطبيب يروف
ما نقدر نفيدكم فيها = وإنته من المرحمة محذوف
ينبع النخل:
أحوال صعبة نقاسيها = من جرح يسعى وفيه نزوف
سود اليالي نقضّيها = من جانبه مالقينا سعوف
ينبع البحر:
الروح روحك لا ترميها = في درب فيه الخطر محفوف
لو كنت حاسي وحاميها = ماكان جدّت عليه ظروف
ومن كان له حال مشقيها = يسعى مع المشكلة ويطوف
حتى يجد حل ينهيها = قدام يكثر عليه حسوف
[/poet]
======================================
ويصحابنا سامحونا
**************************************************
مع الشكر للأخ العزيز فيصل رباح الأحمدي على إعداد هذه القائمة
ما أروع ما قرأت من كلام طيب فيه المعاني تتلألأ ، يغوص في أعماقها مستخرجا الجواهر 00 شكرا لمن أعد ولمن كتب - فجميل أن نعيش ليلة رديح مضت 00 أسأل الله طول العمر لشعرائها المبدعين جميعا
0000000 وأسأل الله الرحمة لعمالقة شعر الكسرة في الينبعين0000
أسير الغرام