قصيدة البنت التى تحب واحد طلع أخوهامن الرضاع
[ALIGN=CENTER]
الله مـن حالـن تكـدر شرابـهـا ===== ونفس من الحرمان جاها صوابهـا
همـن يودينـي وهجسـن يجيبنـي ==== = وعين تهل الدمع من حر مـا بهـا
اسهر واخفي حسرتي في ضمايـري ===== خايفه مـن دموعـي لايندرابهـا
وانا سبب ما صاب نفسـي وحالـي ===== شي جرح نفسـي وزاد التهابهـا
انثـر العبـرات مـن حـر مابـي ===== من واهس وسط الحشى قد لجابها
بفراق من يملك فؤادي مـن المـلا ===== نفسه اشتقيت بهاونفسي اشتقابها
على الوفـا حطيـت يمنـاي بيـده ===== روحه حلال لي وروحـي يهنابهـا
وعلمت ناسي والجماعـه بقصتـي ===== وبينت مجرى قصتي ومن مشى بها
وجاني الجواب اللي يزلـزل كيانـي ===== وياليت منهو قالها ما حكـى بهـا
قالوا اخوك من الرضاعـه تريضـي ===== هذي الحقيقه ولا يحـق اجتنابهـا
وحسيت كـن القلـب زاد التياعـه ===== ونفسي من الحرمان ضاق الفضاءبها
ان قلت انا بنسـاه هـذي مصيبـه ===== يا كيف ابنسى من حياتي اعتنى بها
مادري الوم الوقـت باللـي جرالـي ===== واحمله ما صاب نفسي وصطابهـا
والا الوم النفـس وأكتـم مصيبتـي ===== واعيش في دنيا قليل الرجـا بهـا
مابين خط الياس وأشعـاع الرجـاء ===== سمرت في دنيـا قليـل الرجابهـا
يا نفس كفي واستكفـي مـن العنـا ===== خلي الليلـي ليـا تعـذر حسابهـا
خلي قليل الحـظ يشقـي ويشتقـي ===== وشلي بدنيا يـوم حظـي غدابهـا
دنيا التعاسه صارت اليـوم دنيتـي ===== دنيا السعاده سـدت اليـوم بابهـا
الهم والحرمـان والضيـق والشقـا ===== ودنيا تركز في فـؤادي احرابهـا
لاصار من حبيـت اصبـح اخويـه ===== دنيا القهر والضيم وش ينبغا بهـا
ترجمت مأساتـي وحظـي وبلوتـي ===== وطويت مبـدأ قصتـي ومنتهابهـا
دفنـت حبـي بيـن طيـات القهـر ===== ثم زدت فوقه من رمايـل ترابهـا[/ALIGN]
