قصيدة محمد ابو دباس لابنه
اخواني يطيب لي المشاركة بهذه القصيدة للشاعر محمد ابو دباس يوصي ابنه الذي غاب عنه ثمان سنين 0 وهذه القصيدة قديمة
أتمنى أن تنال على رضاكم0
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياونة ونيتها من خوى الراس = من واهج بالكبد مثل السعيره
ونين من رجله غدت تقل مقواس = ويون تالي الليل يشكي الجبيره
وياحمس قلبي حمس بن بمحماس = وياهشم حالي هشمها بالنقيره
وياوجد حالي ياملا وجد غراس = يوم اثمرت واشفا صفا عنه بيره
على ثمر قلبي سرى هجعة الناس = متنحر درب عسى فيه خيره
الله يفكه من بلا سو الاتعاس = ومن شر عبثات الليالي يجيره
في ديرة تقطعت عنه الارماس = سبعين يوم للركايب مسيره
لاوالله الاحال من دونه الياس = حط البحر والبر من دون الجزيره
ياالله ياللي رد من عقب ماياس = يوسف على يعقوب وابصر نظيره
ترد علي ادباس يامحصي الناس = ياعالم مابالخفا والسريره
ياادباس انا باوصيك عن درب الادناس = ترى الذي مثلك يناظر مسيره
عليك بالتقوى ترى العز ياادباس = في طاعة اللي ماينجيك غيره
هذي ثمان سنين من رحت ياادباس = لارسالة جتني ولاهي بريره
ياادباس من عقبك ترى البال محتاس = وعليك دمع العين حرق نظيره
وعليك كني في دجا الليل حراس = اصبح على حيلي وعيني سهيره
اصبح منامي بين طاري وهوجاس = وطواري تطري علينا كثيرة
مثل الوحش قلبي على كف حباس = يكفخ كما طير سبوقه قصيره
متحير من عيلة البيت يادباس = ارجي ثواب الله واخشى المعيره
اخاف دقات العدا هم والانجاس = اهل الحكايا الطايلة والقصيرة
ويقال خلا عيلته عنز الراس = اقفا وخلا عيلة له صغيرة
ولا انا يابوك قطاع الارماس = ماني بمثبور ورجلي كسيره
اصلك ولو دونك نبا حمر الاطعاس = الصلب والصمان دروب عسيره
مهالك مدارك مابها اوناس = الا الثعل والبوم تسمع صفيره
لو كنت في نزوى وديرة بني ياس = اهل الموازى والوجوه الغبيرة
عبادة الاصنام شرابة الكاس = الخمر والتنباك فيها وغيره
لاركب على وجنا من الهجن عرماس = فج النحر ياادباس حمرا ظهيره
متروسة الفخذين مزبورة الراس = كن الخلاص عيونها يومه تديره
او شبه بدر يوم تخفق للاوناس = وان رفعت جنحانهامستديره
تنشر من العودة على نور الانفاس = عند الفجر والليل مقفي مريره
والعصر بالصمان تسمع لها اضراس = حبل الرسن خطر تبتر جريره
نهار ثالث بين حما والارواس = واراه يمينك جعلها لك سفيره
ثم اركب على ساجية تقلب الراس = تمشي باهلها في البحور الغزيره
الى مسقط الفيحا بها الخير محتاس = لولا الكفر والشرك واوي ديره
عز الله انها ديره مالها اجناس = لولابها يعبد مع الله غيره
لولا بها يشرك علي وعباس = ايضا بها الفاروق سبه بريره
هي ديرة اللي باغي كيفة الراس = ولاله هم من الناس غيره
هيس ولد هيس وللصحاف لحاس = يفرح ليا نودي لذبح النحيره
وذا ماقفك ياادباس مافيه نوماس = يصلح لقين مهنته طق زيره
ترى الفداوي دون وانت انشد الناس = راعيه مايذكر بمدح وغيره
ماله سوى طق الحنك منه والياس = قطع بخرجه فلاله ذخيره
طلب المعيشة بالحراثة والاجناس = المشتري والبيع يوصف وغيره
قم انهض العيرات مع كل فراس = ياادباس دور خير تستشيره
جدك وعمانك هل العزم والباس = اهل المواجب مكملين القصيرة
ياادباس مايصير على البق والحاس = الا الذي ماله بنجد عشيره
واليوم يامروي شبا كل عباس = انت الرجا ياكعام وجه المغيره
عشرين عام كلها ارجيك ياادباس = مثل الغرير اللي تولع بطيره
عدل المناكب هيلع فرخ قرناس = يمناه في لطم الحبارى شطيره
عنق خلوج روحت عقب مرواس = عند العصير لبيضها مستديره
والليل جاه وحال من دونها الياس = روحت على فرقاه فرت فريره
ياادباس انا يابوك ماني ببلاس = مير ان عيلات الرفاقه كثيره
جنبت وسط السوق وامشي مع الساس = واخذ شوي الحق واترك كثيره
ياادباس قلبي كل ماهب نسناس = شرقيه هبت بقلبي سعيره
والحال يافرز الوغى مسها الباس = عليك ياناطح وجيه المغيره
وغصون قلبي يافتى الجود يباس = غاد انايابوك كني هشيره
من شافني بيقول ذا فيه لساس = واللي برا حالي الهي خبيره
لا واعلا من قبل غوال الانفاس = ومفارق الدنيا يجينا بشيره
عسى يطق الباب والناس غطاس = ياوالي القدرة عليك اتعبيره
وصلاة ربي عد ماهب نسناس = على النبي عدة حقوق المطيره
[/poet]
