من روائع الأمير خالد الفيصل

من روائع الأمير خالد الفيصل
[poem=font="Simplified Arabic,6,undefined,bold,normal" bkcolor="#FF00D0" bkimage="images/toolbox/backgrounds/49.gif" border="none,4,#494934" type=2 line=0 align=center use=ex num="0,#400000"]
كلا يعود لأصل جده ومرباه=راعي الشرف يشرف والأنذال يهبون
الفرع من عوده شرابه ومسقاه=والحنظله مرّه ولو تشرب مزون
الطيب كايد والمناعير تقواه=والهون هين تندع النفس وتهون
ناسن على كسب المراجل مضراه=وناسن على كسب الفشيله يضرون
هذا على وضح النقا كل ممشاه=وهذا إذا شافوه ربعه يصدون
لا تأمن الخوان لو زخرف حكاه=من خان بك مره يبي باكر يخون
وافطن ترى زول الرجاجيل تواه=كم واحدن يعجبك زوله وهو دون
يا طيب الشارات من يوم ممشاه=احذر عدوك لا يغدرك على هون
ترى عدوك غايته فيك ومناه=يزرع بصدرك من قنا رمحه طعون
واللي رضع لبوة عدوك توقاه=الجرؤ ولد اللبوة اللي تعرفون
للطير يا الصقار بالريش مغواه=الجاهل اللي بأكثر الريش مفتون
للحر والشبوط ماكر ومجناه=والفرق بالأفعال لو هم يطيرون[/poem]