ياخلق الكون كله / منقولة للشاعر / صالح محسن العروي

[align=center]
هنا اضع قصيدتي المتواضعه امام ايديكم لعل وعسى الن ترقى الى اذواقكم
وتقبلو فائق الاحترام


[poem=font="Arabic Transparent,6,#000000,bold,normal" bkcolor="" bkimage="images/toolbox/backgrounds/19.gif" border="groove,4,#400000" type=1 line=0 align=center use=ex num="0,#400000"]

يالله ياللي خالـق الكـون كلـه = اللي خلقنا بين صلـب وترايـب

ابـدا كلامـي والكـلام استهلـه= يامـا لقينـا بالحيـاه العجايـب

بنيا على درب المهونـه مذلـه= لابد ماتصفـق عليـه الهبايـب

ومن لا يقدر في شبابـه محلـه= ماقدروه الناس لا صـار شايـب

ومن لا يعقد الحبـل والا يحلـه= مافيه خيـر ولا يفـك النشايـب

من عاتب الصاحب على كل زلـه= يعيش بين الناس ماله صحايـب

وصاحبك لنـه جـاد لا تستغلـه= رد الجميـل بمثلهـا للحبـايـب

الله عطـا الرجـال عقـلا يدلـه= والعقل من عند المقـدر وهايـب

ياوقتنا سيـف الـردا لا تسلـه= على ارقـاب معذبيـن الركايـب

رجلا على طول الدهـر ماتملـه= ورجلا على شوفه تجيك المصايب

رجلا مثل سنجال ون ضل ظلـه= ورجلا سراب ليا حدتك الهايـب

انا فطنت لشـي ماحـدا فطنلـه= الإ الرجـال محزميـن العطايـب

بيتا يلم اهل الكرم تحت (ضلـه)= جعله عمار ولا تجيـه النوايـب

الطيب له نبراس والكيـف دلـه= والعز تاجه والضمايـر رحايـب

وبيت يلم اهل الهـروج المملـه= مقعد خزى مايجمع الا الخرايـب

امخمخمين الهـرج دقـه وجلـه= مغتابة المسلم ليا صـار غايـب [/poem]





للشاعر / صالح محسن العروي
منقولة من احد المنتديات الخاصة بجهينة
تحيتي للجميع[/align]