من روائع الشاعر حامد الصيدلاني رحمه الله

[poem=font="Simplified Arabic,4,#000000,normal,normal" bkcolor="" bkimage="images/toolbox/backgrounds/1.gif" border="inset,4,#400000" type=0 line=0 align=center use=ex num="0,#400000"]
ياراكباً حراً مسلسل من احرار = ممشى ثلاث أيام يجيبه فساعه

يرعى العفا مفرود وترعاه الانظار = لا ما تجاوز للسدس في مناعه

ماعرضوه السوم في غالي الاسعار = ولا قطروه في حاملات البضاعه

حراً حذق عينه كما جمرة النار = فج العضود وزين الله طباعه

فوقه شداداً طق شاطر وبيطار = وخرجاً حساوي من حسين الصناعه
=
والميركه ودويرعه بس واعذار = شغل الهنوف اللي ذريفاً ذراعه

يمشي صلاة العصر ناوي بمسيار = لولا الرسن يقداه زاد اندفاعه

ما كنه إلا صقر من ماكره طار = والا هبوب الريح لا مد باعه

منصاه أبو هاشم على شبة النار = تلحّق المغرب وصلى جماعه

يفرح بهم من خاطر ما به أكدار = أهل الوفاء واهل الكرم والشجاعه

تلقى دلالاً مليها بن وبهار = والضيف له واجب ابحين اطلاعه

في مجلس مفروش للضيف والجار = ما صك بابه في سنين المجاعه

عطه الجواب اللي مكمل بالاشعار = واقره سلامي عد نبت الزراعه

واليا قرى خطي وخصك بالانظار = عطه العلوم وعلمه في براعه

وقله ترى حامد مهدد بالاخطار = في الطرقه اللي عقبت له ولاعه

اقفى وخلى القلب في ذيك الاقطار = مستيسره راعي العيون الوساعه

حبه سكن في القلب واحتل الافكار = وانا اشهد ان الزين كسبه طماعه

قلت ارفقوا باللي غريب بهالدار = يازين ياحامل وسام الدلاعه

يا كامل الاوصاف لاتصير جبار = يا غصن موزاً طال عوده وناعه

يابو عيون هدبها ظل واستار = عيون سود وللمعنى خداعه

ويا حبيِّبي بعد الذي بيننا دار = ارجوك علمني من اي الجماعه

المعرفه باأهل الوفا زود وفخار = ونورا عسانا نقتدي في شعاعه

قللي كفاك الاسم عندك وتذكار = واسم الشرف والعز ما هو نداعه

وخلافها والله ما ابيح الاسرار = لو هل من طرف المعنى دماعه

قلت ارحموني قال ماللهوى شار = ان كان مالك صبر والا قناعه

شد العيار بساعته والحق النار = من هدب طرفه يوم شد اشتلاعه

واقفى وخلاني صويب ومحتار = وراحوا وراح القلب معهم وداعه

وانخى صحيبي واخبره بالذي صار = واهل البلد تعلم بخافي تلاعه

واليوم يا ابراهيم ما عني اعذار = بلكيس والا بالجدي والسباعه

لا تكبني ما بين ظالم وغدار = اسمه عرفته ولا عرفنا تباعه

اسمه ثلاثمايه وثمانين باحكار = وسته تبين صحته من ضياعه

ابغاه حلال زلال ما فيه غثبار = وحنا جهينة ما ندور الدناعة

لو كان كلفني بمليون دينار = اسوقها من غير باقي متاعه

ولا اظنها في داعج العين مخسار = وقلبي وانا والروح للامر طاعه

هذا كلام الصيدلاني بمقدار = والقلب يا ابراهيم زاد التياعه

وختامها صلوا على نور الانوار = اللي وهبها الله حب وشفاعه [/poem]

رحم الله الشاعر حامد الصيدلاني وغفر لنا وله
شكرا أخي عبد الله الصيدلاني
عرض هذه القصيدة الجميلة

الرائع / عبدالله الصيدلاني
السلام عليكم ورحمة الله وبركاته
رحم الله الشاعر الكبير حامد الصيدلاني رحمة واسعه (اللهم اجعل قبره روضة من رياض الصالحين بالجنة)
فهو شاعر من قدواتنا الأفاضل..
وشكرا أخي الوفي / عبدالله ... على هذا الإهتمام بمسيرة أحد أعلامنا الكبار ومدارسنا الشعرية القديرة والتي تتطلب منا جميعا الوفاء لها والكتابة عنها دائما لتبقى ابداعات أولائك الأفاضل الكبار شعرائنا الأُوَلْ حاضرة للجيل الذي لم يكن معاصرا لهم ...

شاعرالغربة

شكرا جزيلا أخي عبدالله على هذه الرائعة للشاعر حامد الصيدلاني رحمه الله تعالي وأسكنه فسيح جناته .

ودي أسألك أخي عبدالله هل هناك رد من إبراهيم التي أسندت اليه القصيدة ؟