السنين تدور بالميلاد والهجريه

[frame="1 80"]السنين تدور بالميلاد والهجريه
وانت معها تدور في دمي وفي شرياني
اتدارى دون شمسك في براد الفيّه
اخفي اللوعه واطفي جمرتي بلساني

كل ماجت منك احسنه جاوراها سيّه
ماتقارن سيئاتك في بحور احساني

أتعشم لا ذكرت ابراجك العاجيه
وان دخلت البرج الاول مادخلت الثاني

مادريت انك منفذ خطة ٍ ساميّه
والا انا دايم ليا دورتني تلقاني

كنت اكذب قبل اعرفك نظرة النسبيّه
لين شفتك مرة ٍ مبعد ومره داني

لا قريت (( نيوتن )) أتنظّـر تجرب فيّه
ياخي والله منجذب لك بس لا تقصاني

ولو (( بلكس )) يفتشك يشوف بك ماريه
يا (( الدمار الشامل )) اللي ماتني واحياني

اشهد انك بالوصايف (( قنبله ذريه ))
والبلا انك طبعك امريكي وانا ياباني

كل ماقلت انتهج في حبنا الصوفيه
قلت يالله وانت تكذب منهجك (( علماني ))

واعذابي كل مالديت في حنيه
وابتدا شوقي يسوق الشوق لين اعياني

كل كلمه من شفاتك تعتبر مرثيه
تنتفض منها العظام ويرتبك وجداني

انت سلطان الهوى يافتنة الألفيه
اعدل اظلم دمت حاكم سلطنة قيفاني

الله اكبر والله اكبر والله اكبر ميه
لا ضحكت بمبسم ٍ سحره سحر رباني

وكل ماهب الهوى يلعب بذيل عبيّه
كل ماطبت تشوق الحصن فالميداني

بك ملامح نجد لكنّ بشرتك شاميه
كن مامرك سموم الصيف فـ(( الصماني ))

ويا إلهي يالنحر وانواره الغازيه
كل ماطالعت به عن من سواك اعماني

اذكر الله كل ماعودك تمايل غيه
بس افكر كيف اوصف عودك الرياني

انت مثل (( المختلف )) فالساحه الشعبيه
جنسها واجد لكن اسلوبها وحداني

كل شي ٍ فيك ماالقى فـالعذارى زيه
واعرف اني في وصالك جندي ٍ متفاني

يابري حالي عليك ويافراغ ايديه
ياذهب ياماس ياياقوت يامرجاني

انت حتى ابوك لا من مرني طاريه
اعتزي ماكنه الا من حدا جداني

من عرفتك وانت نارك في خفوقي حيه
بس اون ومن ونيني مزعج ٍ جيراني

احسبك تاوي لقلبي واثر مالك نيه
والبلا اني فيك متعلق وعظمي واني

هذي الاخبار والا النشره الجويه
لا انتهى الموجز تسمّع في( حسن كراني )




مما راق لي [/poem][/frame]

شكرا أحمد2002
كنت اكذب قبل اعرفك نظرة النسبيّه
لين شفتك مرة ٍ مبعد ومره داني

شكرا على النقل يا احمد
ولقد راق لى ما راق لك دمت بود
اخيك البندوري