احذرو من فوركس فايزر نصب واحتيال

احذركم من شركة فوركس فايزر للتوصيات والتحليلات الموقع اسرائيلى وتاكدوا بأنفسكم؟؟؟؟؟؟
هناك شخص هو موظف بهذه الشركه ويكتب عنها فى كل المنتديات المعروفه والمختصه بتجارة العملات
وتجده مسجل باسم(حمزه) او (شمس الدين) او (زهر الدين) او (زهر)
وهو طبعا بصفته موظف للدعايه عن الشركه يتقاضى اجر ونسبه بالتأكيدولذلك فهو يذكر ويروج عن هذه الشركه الكثير من الاكاذيب
وانا كنت من الاشخاص الذين استمعوا لهذه الاكاذيب
اشتركت فى الشركه فى باقة ال 80 دولار شهريا ولحسن الحظ لمدة شهر واحد والحمد لله ولكننى وجدت حساب الماستر كارد ناقص 160 دولار يعنى اخذوا كل النقود الموجوده فى البطاقه؟
كان من اكاذيب هذه الشركه
1-ان توصياتها مدروسه وناجحه وتحقق مكاسب عاليه ؟؟؟؟
2-خدمة شات 24 ساعه للمساعده ؟؟؟؟
3-رسائل على الايميل بالتوصيات ؟؟؟؟؟
4-رسائل على الجوال بالتوصيات ؟؟؟؟؟
5-خدمة دعم فنى وتعليمى ؟؟؟؟؟
ولكن الواقع هو عكس كل ذلك.
الواقع وبعد ان تدفع المبلغ المطلوب.........................
1-التوصيات فاشله وخايبه وعندما تخسر فجأه تجد ان التوصيه اختفت من على الشاشه وتم وضع توصيه جديده حتى لاتظهر علامة (-)ولا يظهر اللون الاحمر.
2-90% من التوصيات لاتفعل اى ان السوق لايصل الى هذه التوصيه ولكن تظل التوصيه على الشاشه لمدة يومين (مش لاقيين حاجه تانيه يحطوها)
3-فجأه تجد ان التوصيه تم تغييرها بدون انزار يعنى مكتوب رقم فى التوصيه وانت عملته اوردر وفجأه الرقم يتغير وتلاقى نفسك تايه وبعدها يتغير تانى وهكذا
4-عاملين نظام اسمه الهدف الاول والهدف الثانى والهدف الثالث وده هو الكذب بعينه لأنك مش عارف اذا كان زوج العملات هيوصل للهدف الاول فتحطه ليميت ولا هيكسره ويروح للهدف الثانى تحطه ليميت ولا هيرجع تانى بعد الهدف الاول وينفذ الستوب.....طيب هم بيحسبوا ربح العمليه على اى هدف؟؟؟؟؟
الهدف الثالث طبعا..............
ده شئ جميل لان لما يحاول واحد جديد انه يشترك ويحب يشوف التقارير السابقه
هيلاقى الاحمر يعنى الناقص يعنى العمليات الفاشله قليله جدا(يطمئن)
هيلاقى الاخضر يعنى الموجب يعنى العمليات الناجحه (الهدف الثالث) كتير جدا (يطمئن)
الارباح عاليه جدا اصلها ياجماعه الهدف الثالث؟؟؟؟
ويلاقى الاستاذ زهر الدين فى جميع المنتديات كاتب كلام سحرى عن شركة فوركس فايزر
علطول يشترك ويدفع ال80 او 130 او 190 دولار وتبدأ مهزلة التجاهل على الشات والايميل وال اس ام اس
1- تختفى رسائل الجوال تحاول التحدث معهم ينيموك
2- تحاول تحل الموضوع مع الموظف على الشات يرد عليك بقرف ويفصل الشات
3-تبعتلهم رساله تقول فيها ياخواننا ارحمونا وابعتوا ...ماحدش يعبرك
4- تستعوض الله العلى القدير فى الاشتراك الشهرى وفى الفلوس اللى خسرتها من توصياتهم الفاشله وتقول (حسبى الله ونعم الوكيل)
5-الشئ الاكثر خطرا هو ان الموقع ده بياخد اللى موجود فى بطاقتك الفيزا او الماستر كارد يعنى مش بياخد بس الاشتراك الشهرى لا ده بيخلص على الفيزا لو كان فيها فلوس..... وهو ده اللى حصل معايا بالضبط انا كنت مودع حوالى160 دولار فى الفيزا واشتركت شهر واحد ولكن بعد شهر جاء كشف الحساب من البنك ناقص 160دولار وبمراجعة البنك اكتشفت ان المبلغ ذهب الى فوركس فايزر وبالتحدث الى احد الموظفين وقلت له اننى سوف اقاضيهم على سرقة الفيزا قال لى هنرجعهالك ماتقلقش ومر شهرين وانا اكلمهم كل يوم ولكن ....... بدأت فى اجراءات التقاضى ولن اترك حقى.
************************************************** *******************
1-شركه اسرائيلى
2-تسرق الفيزا
3-التوصيات فاشله وتتسبب فى خسائر فادحه
4-التوصيات على الايميل تأتى مره واحده او مرتين فى بداية الاشتراك
5-التوصيات على الموبايل تأتى مره واحده فى بداية الاشتراك
6-لا توجد خدمة دعم فنى وعلى الشات لا احد يحل مشاكلك ويتجاهلك بكل بساطه

تقريبا الموقع ده واحد عامله تحت السلم كطريقه من طرق السرقه
انا ارسل هذه الرساله بناء على تجربه شخصيه بشركة فوركس فايزر للتوصيات وارسلها بغرض تحذير الاخوه المتعاملين فى الفوركس من هذا الموقع لأن المؤمن لا يلدغ من جحر مرتين .....

والله ولى التوفيق

شكر الله سعيك
واخلفك خير

تقريبا الموقع ده واحد عامله تحت السلم كطريقه من طرق السرقه
انا ارسل هذه الرساله بناء على تجربه شخصيه بشركة فوركس فايزر للتوصيات وارسلها بغرض تحذير الاخوه المتعاملين فى الفوركس من هذا الموقع لأن المؤمن لا يلدغ من جحر مرتين .....
شكرا مقداد
الله يعوض عليكم