من ديوان الشاعر الراحل : بندر بن سرور - يرحمه الله -

[align=center]الشاعر: بندر بن سرور القسّامي العتيبي _ يرحمه الله -

متنبي الشعر الشعبي كما قالوا الشعراء عنه

هنا سأجمع قصائده بقدر المستطاع

ليس إلا من باب إعجابي الشديد بهذا الشاعر الكبير والذي تبوء القمة

رغم أنه لم يطبع له ديوان إلا أن قصائده تردد بين الناس ويتناقلونها

لأنها تتميز بالسلاسة التي تميز بها عن شعراء جيله

وهو من امتاز بايراد ألفاظ لم يسبقه إليها أحد واصبحت تتداول من

بعده مع الشعراء


ولقد شهد له بذلك الشاعر الكبير : محمد الاحمد السديري

بقوله : أن هذا الشاعر بيوته بكار ( أي لم يسبقه إليها أحد )


كما قال عنه الشاعر الأمير / خالد الفيصل بأنه أجزل شاعر مر على

الجزيرة العربية


بختصار هو شاعر المعاناة وشاعر التجربة


اترككم مع اول قصائده
-


القصيدة الأولى
العنوان : نايف الحيد
الغرض : النصح والحكمة





أمس الضحى عديت في نايف الحيد
مابين شعر وبين خشـم الفريـده
مثلي على المبـدا يحـده حواديـد
يصمد وراع الهـم مالـه صميـده
يسوقه الهاجوس سوق المعاويـد
كنّه بضيقه فـوق حـام الوقيـده
هـمٍ يقـدد ثومـة القلـب تقديـد
يا هنيكم ياهـل القلـوب البليـده
لو اني ارقد نومي بعض السلابيـد
ماشفت حالـي ناحـلٍ كالجريـده
النـوم للـي مايحسـب المناقيـد
ماهمـه الا كيـف يمـلا مسيـده
لاناطـحٍ قالـه ولا جايـبٍ فـيـد
واليا فتـح عينـه لقاهـا رغيـده
راحو وخلـوه الرجـال الصناديـد
قـرنٍ لحقتـه مابقالـه شـريـده
يوم الطمع دونه رمـاح وبواريـد
والنذل تنشب كلمتـه فـي وريـده
الحر يفـرس والحبـاري مجاليـد
يعرف بهـا الطيـب منيـا بديـده
مايعرفون ابها هل الحسد والكيـد
ولا يفتخر راع الرصيد ابرصيـده
وليا اختلف سلم العرب والتقاليـد
من مـات منهـم لا تعـده فقيـده
لو هو قريبٍ منك فرق الردي عيد
جعله مـن الدنيـا يعّجـل شديـده
يعيش معزولٍ عن الناس ووحيـد
اخير من قـرب الوجيـه القريـده
يومنّي اذكر بعض الاحوال يا فهيد
الوقت جافـي والمـوارد زهيـده
وان حدّت الحاجه لبعض الرعاديـد
اليـوم ماينفـع عضيـدٍ عضيـده
نفسي معودها على الصبر تعويـد
والصبر نكسبّـه صفـاتٍ حميـده
وخير الكلام الذكر من غير تحديـد
مع خالص النيه وطيـب العقيـده
يقوله اللي مانشـد زيـد وعبيـد
فالمصحف الطاهـر لقـا مايفيـده
من طبّق اللي فيه نـال المقاصيـد
وسلك طريق اهل الحياة السعيـده
مايستوون اهل القشر والاجاويـد
الله فرقهـم فـي امـورٍ عديـده
قال اعملو تلقون ولكـم مواعيـد
اجل قصير ومن قضى اجله نعيـد
مرجاعهـم لله جمـوع وتفاريـد
والله بخلقـه يفعـل اللـي يريـده
دنيـاك مافيهـا حيـاةٍ صراميـد
زرع الفنا لابد لـه مـن حصيـده
من سار فالسكه وصل لآخر السيد
العبـد لابـد المنـايـا تصـيـده
تـرى المنايـا للبرايـا حواصيـد
والموت له مع كل نفـسٍ وعيـده
الرابح اللي من هل الخير وشْهِيـد
وادرك بحسن الخلق مرضاة سيده
حبلـه يـوّرد طيّبـات المواريـد
لا صار مع ربـه حبالـه جويـده
والحكم للي يبـدي الخلـق ويعيـد
هو ربنـا الواحـد وحنـا عبيـده





صح لسان الشاعر والله يغفر له ويغفر لموات المسلمين ,,,, آمين



الأبيات التي أرددها كثيرا من هذه الشامخة هي :



وليا اختلف سلم العـرب والتقاليـد=من مـات منهـم لا تعـده فقيـده
لو هو قريبٍ منك فرق الردي عيد=جعله مـن الدنيـا يعّجـل شديـده
يعيش معزولٍ عن النـاس ووحيـد=اخير من قـرب الوجيـه القريـده



دمتم بخير[/align]

من سار فالسكه وصل لآخر السيد
العبـد لابـد المنـايـا تصـيـده
تـرى المنايـا للبرايـا حواصيـد
والموت له مع كل نفـسٍ وعيـده
الرابح اللي من هل الخير وشْهِيـد
وادرك بحسن الخلق مرضاة سيده
حبلـه يـوّرد طيّبـات المواريـد
لا صار مع ربـه حبالـه جويـده
والحكم للي يبـدي الخلـق ويعيـد
هو ربنـا الواحـد وحنـا عبيـده

صح لسان الشاعر والله يغفر له ويغفر لموات المسلمين ,,,, آمين

شكرا اخوي على القصيده الرائعه وانا انتظر جديدك من قصايد الشاعر بندر
واهديك هذه الابيات للشاعربندر عجبتني كثيرا
انحاس بالي يامحمد وصديت
من كثر الصدات قلت شطونه
ماني وانا بندر بهيت ولد هيت
هيت يجامل خمة يكرهونه
من كثر ماجربت واقبلت واقفيت
قولة هلا لمن لايودك مهونه
سلط على النصراني اللي لقا الزيت
لعل نبع الزيت يعمي عيونه
لاشك تحتاج المراجل شفاليت
تحتاج شي يقصر النذل دونه
عزم على الفرجه وقطع الخلا الميت
حتى عيال البوم مايقطعونه
ثلاث*من كل المعاني تنقيت
واللي بقى كل الملا يقدرونه
مابغى جزاهن غير من خالق البيت
عمالهن للناس ماينفعونه