ادري انّه كل درب وله نهاية .. بس انا باقي معك لاخر دروبي

ღ ._ . _ . _ . _ . _. _


يسعد صباحكم بكل خير





يابشـر تكفـون حلّـو عـن سمايـه
مايصيب الهرج لو الهـرج صوبـي
كم سكـت لكـم بمـا فيـه الكفايـة
اشتموني لو زعلتـوا واشمتـوا بـي
عيبونـي واتركونـي فـي عمـايـه
واتركوا لي واحـدٍ يرضـى عيوبـي
اتركـوا لـي واحـدٍ يمسـح شقايـه
كل ماحـط الزمـن دوبـه و دوبـي
ذاك والله لا ذكـرت انـه ورايــه
أشعر ان الكون كلـه وسـط ثوبـي
يكفـي انـه لـو يسولـف للمرايـة
كنّ صوته يهمـس لصورتـه ذوبـي
كيف انـا مـا اذوب مادامـه معايـه
اسمعه واسهر معـه لاخـر ذنوبـي
كل ما قـال: السهـر درب الغوايـة
قلت: كله مـن عيونـك هبّلـوا بـي
كل ماقـال: الخطـا ماهـو خطايـه
قلت له: قل للعيـون السـود توبـي
ضيعتـنـي واســأل الله الهـدايـة
وين اجيب العقل؟؟ اجيبه من جيوبي!
من يعرفـك مـا يـدل العقـل رايـه
ياشروق العمر مـدري يـا غروبـي
أذكر انك كنـت لـي مثـل الهوايـة
لو تروح ولو تجـي يبقـى شحوبـي
بس مدري كيف صرت اليـوم غايـة
صرت اجي واروح مدري عن دروبي
يـا بعـد عمـر الكتابـة والقـرايـة
يا الشمالـي يابـو الملـح الجنوبـي
لا قريـت اللـي كتبتـه يـا رجايـه
رح وبلّـغ ربعـي اللـي جننـوبـي
قـل لهـم يمكـن يخلّـون الوشايـة
وان تمادوا خلّهم مهمهـا حكـوا بـي
انـت خلـك بـس فـالدنيـا عزايـه
لا تفكر فـالعـواذل وانـت صوبـي
ادري انّـه كـل درب ولـه نهـايـة
بس انا باقي معـك لاخـر دروبـي




جديد المبدع .. فهد المساعد