دمعة وداع المطارات

[size=4]استأذن انظاركم الكريمه بعرض هذه القصيده





تكالبـت كـل الظـروف اللعينـه ضدي وخلتنـي اسيـر المعانـات
والهم دك وضـاق جـو المدينـه والعاصمه صارت بعيني خرابات
ماكنها ذيـك البيـوت الحصينـه ولا كنها اللي عاصمـه للثقافـات
صارت بعينـي كلبوهـا حزينـه ولا شوف فيها للسعاده علامـات
حتى غطاء موج الهموم السفينـه وتقطعت فيها السبـل فالمحيطـات
في وسط لجات الهمـوم الدفينـه طوال وقتي بين بيعـه وشريـات
ابيع همي كـاش واشـري بدينـه حتى تعب قلبي مـن الكمبيـالات
والأنس عن عيني تلاشت سنينـه وتبدلت ضحكـات قلبـي بآهـات
لكن راع القلب وش فـي يدينـه إلا يعذر القلـب ويقـول عـزات
عـزاه ياقلـبٍ تـزايـد انيـنـه وتبدلـت دقـات نبضـه بونـات
اثر الزمـن زينـه يباريـه شينـه ماكنت اظن ان الزمن فيه نكبـات
إيلين ماوادعـت صافـي جبينـه ياليـت ماجتنـا ليـال الدوامـات
ولا افصلت بين الخديـن وخدينـه حسبي على ايام العمل والدراسات
وداعتهـا والشـوق يقتـل حنينـه وياشينها دمعـة وداع المطـارات
في صالة الركـاب عنـد الكبينـه كبينتـن تطبـع لهـا البوردنقـات
وساعة طلع كرته وجاء في يمينـه قالت يامشعل ساعة افراقنا جـات
ولمحت دمع الشوق في وسط عينه وبغت تقول وصار فالحكي زفرات
ومشت دمـوع عيونهـا راحتينـه وضاع الكلام وصار توديع بسكات
وطال السكوت المر بينـي وبينـه إلا كـلام عيوننـا بـس نظـرات
نظرات مابين الحزيـن وحزينـه تغنيك عن كلمات الألسن بعبـرات
في موقفٍ اثـر علـى مشاهدينـه لمحت وسط عيون هالناس دمعات
لأن راع الحـب يبحـث كنيـنـه اموادع العشاق والدمـع بالـذات
هو الذي يجعلـه يذكـر ضنينـه ويذكر زمان الحب لو كان قد فات
واقفت بعد ماطال جـو السكينـه في موقفٍ مذهل ولو كان لحظات
راحت وانا قلبي عسى الله يعينـه يحسب متى تبدا ليـال الأجـازات
عوايـد الأيـام شينـه و زيـنـه يالله عسى ترجع لنـا بالسلامـات [/size]