الروعة في رديح المرزوقي بين المبدأ والمنطق

هذا الرديح أقيم يوم الخميس ليلة الجمعة الموافق 1-2/03/1419 هـ بمناسبة زفاف الشاب عودة عطية الله المرزوقي وقد حضره من الشعراء :
من شعراء ينبع :
الشريف أحمد الدبيش ، عايش سليم الدميخي ، ناصر الحجوري
من شعراء أملج :
ذيبان مسعود الفايدي ، محمود عزازي دشاش ، عبد الرحمن عبدالله الصيدلاني ،محمدراضي المرواني ، عبدالرحمن محمد الفايدي،محمد سعيد المرواني،سعد دخيل الله الحمدي،عبدالله باخت الحمدي
======================================
لحن ليحاني
======================================
ينبع:
من أهل ينبع وموطنا …. قدر السلامات لأهل أملج
واللي دعانا وقدّرنا …. ولكل بحري ومتفرج
أملج:
يا مرحبا من ضمايرنا …. نبعه من الطيب متوهج
كلاتنا الطيب يجمعنا …. والكل بالطيبة يهرج
ينبع :
الطيب ذكره يذكرنا … باللي ترك للأدب منهج
لكنه اللي محيرنا …. مانشاهده من أمر محرج
أملج :
حنا على نهج سايرنا …. عن قـنّـها دوم مانخرج
والآن لما تفكـرنا …. ماظن يظهر لكم منتج
ينبع:
أمره وقع صوب ناظرنا …. وصار بالقائمة مدرج
واللي مكدر خواطرنا … ممشاه دايم في درب أعوج
أملج:
اللي ثبت في دفاترنا …. مكتوب عندي عليه إحجج
ظاهرك دايم يكدرنا …. كنك لوحدك تعوم الفج
ينبع :
مرصود له في دفاترنا … اللي لا جاه الصحيح يهج
والآن يبغى يسايرنا …. وحضرة جنابه في حالة دمج
أملج:
ممديك تنكر وخابرنا … لكن عنها الحقيقة تسج
لا تخاطر بروحكم معنا … وتصير في موقفك محنج
الجيل الأول وحاضرنا … .محداً على شأنهم يحتج
قدوة وربان يسعدنا …. وأنتا على ليامهم أحوج
======================================
لحن سلام
======================================
أملج :
منا على ماسبق ملحق …. عاجل ولا يقبل التأخير
منه أخذ حق ماهو حق …. ياذات الأفكار كيف يصير
ينبع :
رأى على ما صدر مسبق …. عندك ضمن سابق التقرير
ليكون له شأن متحقق ….. فالدايرة اللي عليها تدير
أملج:
سؤالنا بالمثل ينطق …. خلك معي رايق التفكير
اللي له الحق وموثق … يجوز يحصل منه تقصير
ينبع :
لا تغرّب القيل وتشرّق … ماشي على عكس خط السير
من لا حسب للغزر يغرق … لا طب في باحة التغزير
أملج:
قفى المسا والصباح أشرق …. وأنا أنتظر للأمر تفسير
الحق ماله عنه مدرق …… اللي تجاهل حقوق الغير
ينبع :
عز الله إني عليك أشفق ….. واليوم كلاً عليك يشير
الحق راعيه ما ينحق …. عند الذي ينطقون الخير
أملج:
لو كنت صادق ولي تصدق …. من جانبك ما يجي تنكير
في حاضر الوقت والأسبق …. أنا في هذا المجال مدير
ينبع :
قولك عن اللي سبق يفرق …. اللي وصلنا منه تبشير
أصبحت في ساحتك مرهق …. وأبعدت عن ساحة التأثير
ولازال قلبي عليك يرق …….. لأن عندي لكم تقدير
لكن خذلك نصيحة صدق …. كبك عن اللي يقول مطير
======================================
لحن زمانين
======================================
ينبع:
ضوء النهار الذي نبغاه …. أشرق على الكون بأنواره
يبغى يترجم لكم معناه …. اللي طوى الليل أسراره
أملج:
نستقبل اللي يجي مبداه …. لا بان نهجه ومظهاره
ناخذ ونعطي حسب مبناه …. ونواصل اليوم مشواره
ينبع:
هذا طلب خاطري ومناه…. من راعي القيل في داره
لأنه المبتلي شكواه…….. من قلب تسعى معه ناره
أملج:
المبتلي لاتزايد داه …… يبحث عن علاج يختاره
مهما إتفرّع معه بلواه …… يحكّم العقل وأفكاره
ينبع:
لو إنه المرء في يمناه …… من البخت ياخذ خياره
لكنها قمة المأساه …… إن الدوا يصعب إحضاره
أملج :
الصعب مهما بعد مرماه …… ما يوقف المرء بإصراره
يضاعف الجهد في مسعاه …… حتى إيتحرر من أخطاره
ينبع:
بذلت جهدي لكسب رضاه …… نبغى عنه نرفع أضراره
وكل ما دعينا الطبيب وجاه …… لمعالجه قدم أعذاره
أملج :
لو ماطمع فالذي سواه …… …عليك ما يفرض أدواره
أصرف نظر والأسى ماشقاه …… وأسقاك من وافر أمراره
ينبع:
القاضي اللي تخيّرناه …… وِشْبه مايندر بمنداره
أن كان هذا الحكم يرضاه …… ياليت بالشور ماشاره
أملج:
القاضي أعطى حكم وأمضاه …… ولا كان خارج عن أطواره
لو كان تكفى عنه تدراه …… حت نعدّك من أنصاره
اللي إنكتب العرب تقراه …… ماكان يخشرك في شواره
واليوم يوم المرض خلاه …… تيغى إتعلّق على أسواره
======================================
لحن مالك الروح
======================================
أملج:
كل ماتصافت لنا الأيام …… ونقول قفّت مآسيها
ترجع زيادة لنا بخصام …… أسوأ من اللي نعانيها
ينبع:
ماعمر حال الليالي دام …… ومانته لوحدك تقاسيها
ذا شي بين الخلايق عام …… والعاقل اللي إتعظ فيها
أملج:
طال الأسى والمعنى إنضام …… تسعى وترسى مراسيها
حصيلته واضحة ماتسام …… بمجرد العين ترعيها
ينبع :
من كان مشيه على ما يرام …… ورجليه تعرف مواطيها
يسير في طرقته مقدام ……… وروحه يحقق أمانيها
أملج:
ماشي أعد الخطى بأقدام …… من مبتداها لتاليها
ماساة روحي من الظلاّم …… مقصوده الروح يرميها
ينبع:
خذلك حكم صدّره حكّام …… ينهي المشاكل ويلغيها
ولا تتبع الظن والأوهام …… والعين بيديك تعميها
واللي ماعنده فكر وإلهام …… ولا صار يحسب تواليها
يذوق طعم المرار السام …… مادام روحه مايغليها
حنا النصيحة علينا زام …… عليك نشفق ونهديها
لا تطاوع الواشي النمّام …… ماعنده أفكار يعطيها
===================================
ويصحابنا سامحونا

مع الشكر والتقدير للأخ العزيز فيصل رباح الأحمدي الذي قام بإعداد هذه الرئعة