محاورة شعرية بين الشاعر عوض الله والشاعر محمد شحاد

السلام عليكم ورحمة اللهـ وبركاتهـ


هذه محاورة شعرية بين الشاعر المرحوم عوض الله بن عوض الجهني
وبين الشاعر محمد بن شحاد الجهني حفظه الله



الشاعر عوض الله/
دعوةلها بينه ووثوق
قدمتها عند قاضيها
سوى عليها حجز وطووق
وردها دون راعيها


الشاعر محمد الجهني/
الحق من يطلبه ملحوق
دعواك جاري مجاريها
وليشرقت دعوتك بشروق
مافي قاضي يِخفيها



الشاعر عوض الله/
عيا معي يسمع المنطوق
عينه عن الحق يغضيها
سبب علينا الام تعوق
واحوال صعبه نعانيها



الشاعرمحمد/
ماتضيع للصادقين حقوق
لصار دلواه يدليها
تروي بها قلبك المحروق
وثمار دعواك تجنيها


الشاعر عوض الله/
دعواي ماهي سلع بالسوق
حتى بالأموال نشريها
ركز معي فالمعاني وروق
حتى نتكاثف وننهيها


الشاعر محمد الجهني/

الدعوة الثابته بعروق
وشهودها نور تضويها

مافي قاضي عليها يحوق
مهما تطول لياليها


الشاعر عوض الله /
دعواي تبغى فزوع اللحوق
قدام لاتطير ترميها
اخاف تعلى عليَ فوق
تصعب عليَ مراقيها


الشاعرمحمد الجهني/

اللي في رسم المعاني يشوق
لوطالت الدرب يمشيها

حتى يصل حقه المسروق
والروح تبلغ آمانيها


الشاعرعوض الله/
ياما سلكناكثير طروق
لجروح نبغى نداويها
نلقى دواها اسى مسحوق
كل ماختفت يوم تحيها


الشاعر محمد الجهني/
ياما حصل باس للمخلوق
حتى عيونه تِبكيها
لكن قلوب العرب صندوق
ماتعلم الناس وش فيها