هجر المودين مهما صار === لازم له أسباب تنهيها

هذه المحاورة جرت بين كل من الاخ الشاعر / عبدالعزيز المحياوي والشاعر المميز / عبدالعزيز رويشد

[poet font="Simplified Arabic,5,blue,bold,italic" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
يقول : أبو هاني

سلام يا صفوة الشعار = واغلى تحيات نهديها

رسم المثل والكلام السار = إشرح لنا كيف نبنيها

رد : أبو طارق

ترحيب يا وافي المقدار = والقيل بنيات نغليها

منه عرف لوعة المحتار = من حر قلبه يعليها

أبو هاني

ملكته القلب وأصبح دار = ولو يطلب الروح نعطيها

لكن بهجره على جار= حتى عيوني مبكيها

أبو طارق

لا باس ما اقبل عليك اضرار= وهذه المحبه وما فيها

هجر المودين مهما صار = لازم له اسباب تنهيها

أبو هاني

الود فيه الوصل معيار= وهذا من أجيال ترويها

وهو أخذ الأمر باستهتار = ومطامع القلب يلغيها

أبو طارق

كرر عليه الامر تكرار= واظهر له جروح تخفيها

لا شاهد الجد والاصرار= مواجع القلب يشفيها

أبو هاني

ياما ذرفت الدموع غزار= وأمشي له دروب وأطويها

ألقاه قد جهز المعذار = وأعذاره النفس تنفيها

المردود الأخبر :أبو طارق

هذا معاكس عن التيار= دربك على العكس يمشيها

تعال له بالكلام الحار = وإياك روحك توطيها

عدة فوسط الطريق يسار = وأنهي هوى النفس وأكويها

بكرة إذا دارت الأدوار = أيامك بخير يطريها
[/poet]