[poem=font="Simplified Arabic,6,#FFFFCC,bold,italic" bkcolor="#FFFFFF" bkimage="images/toolbox/backgrounds/3.gif" border="double,1,#006600" type=1 line=0 align=center use=ex num="0,#400000"]
مدري اعيش الحزن ولا اداويه = وان ما تركت الحزن قلبي تفطر
صدمات قلبي خلخلت من مبانيه = وغزير دمعي من عيوني تقطر
ماضي مضى والله ماني بناسيه = يوم المنايا من سماها تمطر
فراق امي جمر حزني يغذيه = لكنها الاجال اسما مسطر
هات القلم ياطرف ومن الدمع اسقيه = واكتب تاريخ المجد واكتب وسطر
بلغ جبال الخيف وبلغ مرابيه = وبلغ حصى المسيال واللي تشطر
من مشيها امنا فوق واديه = بالخير للجيران واللي تنطر
هذاك يطلب طبها وهي تداويه = ومن طبها هذاك جووه تعطر
وهذاك يشكي هم وهي تواسيه = مايوم تشكي هم لو هو تخطر
لو كنت اعاني شى ماقدر اوريه = من عطفها اخفيه لو كنت مضطر
بين العرب مدري شعار تبديه = وتقول مدري حل للي تبطر
يارب في الفردوس مسكانها فيه = معها تلم الشمل غيثا ممطر[/poem]
