[poet font="Arial,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
أقبل الليل في طبعه غريب المعاني00000تارة صافي وتاره ظلامه دليله
أقبل الليل. ذكّرني. مواجع زماني00000ذكّر القلب والتفكير هموم ثقيله
في سكونه.. توشحني.. عظيم الهواني00000صابني العجز والرحله غريبه طويله
كل ما جيت بأنهض عن عذاب براني0000هاضت بداخل احساسي علوم ظليله
المشاعر سقيمه. من بلاها. تعاني00000والمقادير خلّت حيلها ما تشيله
قصتي مع صروف الوقت تدمي الكياني00000وتجعل دموع عيني من عناها هميله
أنفرد بي زمان الوجد ثم التواني00000ونزّل بخافق أشواقي منايا عليله
لي غرام حميته.. بالضلوع الحواني00000مسكنه داخل أنفاسي وقلبي خليله
خلّته لي الظروف العاتيه ما يباني00000أخفته عن محاجر عيني اللي تشيله
صار من دون شوفه هاجعي ما هناني00000وصرت مثل الموادع مستزيد بعويله
لكن احلف يمين. اللي بعطفه رعاني00000لصبر سنين عمري وأنتخي كل حيله
تالي الصبر منهل يرتويه الضماني00000وتالي العام وسمي في زهوره خميله
ما يصير أفقد الآمال. ويا لماني00000 ولي مع ماضي الذكرى عهود جليله
العهد بيني. وبينه رفيع المكاني00000عهدنا اللي نصونه من سنين طويله
ما أقدر آخون من هو من حنانه عطاني00000هو وكالة .غرام الحب. وآنا وكيله
[/poet]
