رديح زفاف الشاب ( طلال عايش الدميخي )
هذا الرديح أقيم في مدينة ينبع البحر يوم الخميس ليلة الجمعة 20/12/1407هـ وحضره من الشعار من ينبع عايد القريشي وشتيوي عبد الله ، ومن ينبع النخل عواد أبو رقيبة ومحمد أبو شعيب ومن جدة بنيه العروي ومحمد بشيبش ومحمد أبو مازن ومن أملج الصيدلاني
[poet font="Simplified Arabic,5,black,bold,normal" bkcolor="coral" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=chocolate,direction=135)"]
لحن ليحاني
جدة والنخل
استنفر الوفد كل اعضاه = ومشجعينه ورواده
سلام للكل خصصناه = بموافقة كل قواده
ينبع وأملج
هيا اسمعوا فالذي قلناه = من قاصي البال وبعاده
ترحيب فالمبتدى نبداه= ضافي على الوفد وعداده
جدة والنخل
اللي دعا للوجب جيناه = نوفيه مع جملة وداده
ما دام ليل الصفا عدناه= الكل يحصل على مراده
ينبع وأملج
الطيب بالطيب ترجمناه= واللي دعاكم وفا زاده
والكل يشكر على مسعاه = واللي قصدتوه قصاده
جدة والنخل
كان السلام انتهى منهاه = والطيب ورده على ماده
نبغى نتمجرى على المجراه = لنك تسمعت إنشاده
ينبع وأملج
كل الذي قيل سجلناه = واللي يجي نسمع مداده
ارسل وهات الذي تبغاه = وعندي سجلات لإرصاده
جدة والنخل
واقلبي اللي أساه وجاه = جارح وسيطر على فؤاده
ولما المآسي ترجيناه = يقول يبغاله زياده
ينبع وأملج
ما الله خلق شئ دون هواه = والكل يختار ما راده
واللي اهتوى له هوى يهواه = يصبر ولا يهمه عناده
وانكسر اللحن
لحن سلام
ينبع
يامعشر العلم والتعليم = ياذات للمعرفه وقضاه
نشكي أسى ميم زايد ميم = زايد أسى نشتكي مآساه
جده
هيا اسمع القيل والتنظيم = مترجم لكم من جميع لغاه
إن كان تمشي على التحكيم = كل الذي ترغبه تلقاه
ينبع
صدرت قولي لكم تعميم = نبغى المآسي يجيه جزاه
لا نسير ما بين سين وجيم = شان العدل وصله منهاه
جده
ما تسير دعوى بلا تدعيم = والمدعي ما رفع دعواه
والحكم عند القضاه مقيم = والرمز باطل ولا يرضاه
ينبع
دعواي قدمتها تقديم = مدعمه والشهود اثقاه
لا رمز فيها ولا توهيم = أبغى العدل يتخذ مجراه
جده
قسم لنا المسأله تقسيم = كل ميم انطق بما سواه
أما عتب والعتب تكريم = والا تجنوا عليه عداه
ينبع
ما ألزم العارفه تلزيم = يجيب كلا على شكواه
واللي له الحق بالتفهيم = يطوي سجل الطلب برضاه
جده
فكرت فالقول والترقيم = وناظرت في فارعه وادناه
لو صمم المسأله تصميم = ما ضاع سعيه على مسعاه
وانكسر اللحن
[/poet]
[ALIGN=CENTER]وهذه الكسرة قالها شتيوي عبد الله في كسر اللحن[/ALIGN]
[poet font="Simplified Arabic,5,white,bold,normal" bkcolor="darkblue" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=black,direction=135)"]
ما هالهم دمعي الجاري = ولا قدروا قيمة الدمعات
اللي لهم ود متواري = ولودهم تشهد النبضات
[/poet]
[poet font="Simplified Arabic,5,black,bold,normal" bkcolor="limegreen" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=burlywood,direction=135)"]
لحن زمانين
جدة
تزاحمت فالفؤاد جروح = شقيت منها ومن داها
نهارنا والمسا ما تروح = تسعى على الروح وعضاها
أبو شعيب
ياللي رسمت المثل بوضوح = دعواك حكامها قضاها
اسعى معه واطلب المصلوح = أو سلم الروح مولاها
جدة
في قالكم خاطري مشروح = ما زالت الروح في حماها
لكن عليك المثل مطروح = وانته على قمة بناها
أبو شعيب
كتبت قراراتكم فاللوح = روح انتحت كيف تنعاها
القيل له وازنين رجوح = حكامها نص معناها
جدة
ما دام غزو الفضا مسموح = أبعاد أفقه عرفناها
كيف الذي كان عنده طموح = رد لأماني لمرساها
أبو شعيب
لو كان تركب سفينة نوح = اللي على اليم مرساها
اللي كتبته لنا فاللوح = بالشيش قفلت معناها
[/poet]
[ALIGN=CENTER]وهذه الكسرة ردوف من الشاعر عايد القريشي[/ALIGN]
[poet font="Simplified Arabic,5,white,bold,normal" bkcolor="darkblue" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=black,direction=135)"]
مالي في ترك المثل مصلوح = لكن عواقب دريناها
والا ما نرضى عليك شحوح = وانته علينا ما ترضاها
[/poet]
[ALIGN=CENTER]وانكسر اللحن [/ALIGN][ALIGN=CENTER]وهذه الكسرة قالها الشاعر بنيه العروي في كسر اللحن[/ALIGN]
[poet font="Simplified Arabic,5,white,bold,normal" bkcolor="darkblue" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=black,direction=135)"]
حقيق كسب المعاني ربوح = وأجيال تأتي وتقراها
أما عليها ينول ربوح = والا خطيه ما ينساها
[/poet]
[poet font="Simplified Arabic,5,white,bold,normal" bkcolor="purple" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=black,direction=135)"]
لحن مالك الروح
ينبع
حسفني البارق اللي لاح = عن توبة الود واغدى بي
وأحيا جروح الغرام وراح = يابي على توبتي يابي
جدة
لا تخايل البارق اللماح = خليك فالموقف النابي
إن كان قصدك منه ترتاح = جنب عنه واسمع خطابي
ينبع
لمحة نظر وانتهى وانزاح = ما عاد له شان في حسابي
لكن على توبتي نواح = اللي بها سرت في ما بي
جدة
من توبته توبة النصاح = ما تهز الأشواق من تابي
المهتدي في دروب صحاح = الطيش ما هو عنه غابي
ينبع
اللي خلق فالجساد أرواح = معها خلق ضد وانشابي
ما يفيد فيها حذر وكفاح = يبلى بها المرء ينصابي
جده
لا تطاوع العاصي السفاح = شيطان يلعب بالأعصابي
يرمي غريمه بدون سلاح = ويقول من جملة أحزابي
وانكسر اللحن
[/poet]
[geo].[/geo]
[ALIGN=JUSTIFY]تنويه
هذا الرديح من وثائق الشاعر محمد مسعود أبو عيسى .. وقد لا حظت تكرار كلمة ( اللوح ) مرتين في مردودين للشاعر محمد أبو شعيب ( رحمه الله ) في لحن سلام .
كما وردت كلمة ( ربوح ) مرتين في كسرة الشاعر الكبير بنيه العروي في كسر لحن زمانين .
ومثل هؤلاء الشعراء الكبار لا يمكن أن يفوت عليهم مثل ذلك .. ومن المؤكد إذن أن هناك خطأ في النقل .
أرجو من الأستاذ محمد مسعود التأكد من الوثيقة التي لديه وتزويدنا بالتصحيح اللازم [/ALIGN].
