رديح / فهد محمد عابد الرفاعي بقرية المزرعه

اقيم هذا الرديح بقريه المزرعه بينبع النخل بمناسبة زفاف الشاب / فهد محمد عابد الرفاعي يوم الأربعاء ليلة الخميس الموافق 18/ 12/ 1423هـ وحضره من املج الشعراء/ عبدالرحمن عبدالله الصيدلاني واحمد عبدالله الصيدلاني وعبدالله باخت الحمدي ومحمد عبدالمعطي المرواني ورفاقهم وعن صف ينبع / محمد مسلم الهريويل وعايد عبيدالله الفايدي ورفاقهم .

[poet font="Simplified Arabic,4,blue,bold,italic" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""]
اولاً لحن ليحان : املج :-

لجل الموافا لفينا افواج = ما همنا البعد مشواره
سلام صادر علي المنهاج = لراعي النوب وانصاره
ينبع:-
ذا شي طيب ولايحتاج = الكل محفوظ مقداره
ترحيب عد البحر ما ماج = من راعي النوب مصداره
املج :-
ليل المصافا لبسله تاج = وجمعنا شعت انواره
اصغى لنا واسمع الأنتاج = نعطيك موجز عن اخباره
ينبع :-
شموع بوجودكم وسراج = تضوي علي كامل اطواره
هات الذي فالخواطر لاج = والكل يلقي لك انظـــاره
املج:-
واقلبي اللي علي وهاج = ويقاسي الويل واخطاره
كل ما بدا للأمل مدراج = تحول الأسباب واعذاره
ينبع:-
المشتكي ما عليه احراج = لو يشتكي ويل من ناره
دام الأمل فالعذر مخراج = شوف الذي سبب اكداره
املج :-
اسير قلبي عليه سياج = عزوله القلب ما شاره
كيف التقي درب للأفراج = ويرتاح قلبي من اضراره
ينبع:-
ما تحل دعوه بلا مهراج = والحق ما بان مظهاره
يمكن عزوله معاه حجاج = خلاه فالأسر واختاره

املج :-
للآن ما شفت لي منتاج = رغم السعو سار مسياره
وآنا لصفو الأمر محتاج = مع الذي زود امراره
ينبع :-
حسب الذي بالمعاني راج = واللي اتضح لي من ادواره
لولاه دارس علوم ابراج = ما كان سيطر علي حصاره
لحن ســـــــــــلام
ينبع:-
كل ما غربت شمس وامسينا = طاري علي خاطري بيرود من بعد قلنا تناسينـا = يـــردنـا للذي مفقود
املج :-
لوكان قلنا ما يكفينا = عن الذي فالمثل مقصود
خياله الطرف ياآخينا = ما قدر اصدر عليه قيود
ينبع:-
كم المسا عاد ما ضينا = زود كدر خاطر الملهود
عن عهدنا ما تناحينا = مع الذي بالعهد معهود
املج :-
فللي ذكرته ما يمدينا = يرجع علي سابقه ويعود
لوانها في امانيـــــــنا = الكل يبذل معك مجهود
ينبع :-
عن سعينا لاتنحينا = برضي اكرر لك المنشود
نبغاك فالحال تفتينا = حسب الذي عندكم مرصود
املج :-
وضحت لك في معانينا = حسب الذي فالمثل مجرود
لجل ايش تبغى تلاوينا = وللمسأله ما وضعت حدود
ينبع :-
املت يا عد تروينا = فللي منه صادرات ورود
ما قلت ياعد تظمينا = فيما جرى من عهد معقود
املج:-
حنا ما تصدر فتاوينا = الا علي بينه وشهود
والناس تشهد وتوحينا = في ردنا ما صدر منقود
ولو كان مطلب فأيادينا = من يمنا ما قصرنا زنود
لكن تحتم مبــادينــــــــا = نوقف معك فاليالي السود

لحـــــــن زمانين
املج:-
امسح دموع الأسى بالكف = ادري وأداري وأداريها
والعين همالها ما كف = اخشى من الناس ترعيها
ينبع :-
ما كان هذا المنى والشف = الحاله اللي تقاسيها
ماباس فيما جرى من طرف= ويش صار للعين يبكيها
املج:-
آنا معه ملازم الموقف = والروح لجله معنيها
حبيب قلبي عليا صف = وصار روحي مآسيها
ينبع :-
مهما حصل من شدايد ظرف = ما يرد عن ناس باغيها
غالي ولالك عنه محرف = بملاطف الوضع تنهيها
املج :-
راح الفجر والنهار اشرف = والنوم عيني مجافيها
ما تشوف ان الأمر مؤسف = واللطف عيا يداويها
ينبع :-
اللي ارتجى من وداده عطف = كل الوسايل يسويها
يبقى علي الموقف المشرف = ويرسي بها في مراسيها
املج :-
اللي ذكرته لنا بالوصف = ماغاب فكري وحاسيها
لازال فيك الرجا تسعف = وتشوف لي طب يبريها
ينبع :-
مدام نهر المراوي جــف = وعكر علي النفس صافيها
يلزمك عن ما تبقى تقف = الا اذا كنت راجيـــــــهــــا
ومن لاقبل للعواقب صف = يــــلوم نفسه بما فيهـــــــــا
اشوف حســم الأمر كلف = معزه النـــــــــفس تغليهـــا

لحن مــــــــالك الروح
ينبع :-
مني صباح الرضا واكثر = يامن صباحه صباح الخير
هات القلم واحضر الدفتر = نبغى المثل يستمر لعصير

املج :-
هاذي المشاعر بها تشكر = يامن لكم عندنا تقدير
لو تختفي شمسنا وتظهر = عن ساحة الصابيه ما ندير
ينبع :-
ملحق علي سابق المحضر = مانقول في جالكم تقصير
ماذا تري يعمل المخطر = كل ما تحصل دواه يحير
املج :-
المرء في حالته ابصر = ما يقول كيف اتجه وآسير
يسعى علي قد ما يقدر = لايصير من جانبه تأخير
ينبع :-
المشتكي يشتكي مجبر = يبغى علي مشتكاه مجير
الوضع عن ما ذكرت اكبر = اوسع من الفكر والتفكير
املج:-
اسمع كلام الذي قرر = وفسر المشتكي تفسير
لو كنت من قبل متحذر = ما اصبحت في قمة التعكير
[/poet]

انكســــــــــــــــــر اللحن

ويا صحا بنا سامحونا
************************************
***************************
***************