بين طه بخيت ومحمد راضي المرواني

[ALIGN=CENTER]بين طه بخيت ومحمد راضي المرواني
لحن جميل ورائع بين مبدعين في عالم الشعر .. وأترككم للاستمتاع[/ALIGN]
[poet font="Arial,5,orange,bold,normal" bkcolor="darkblue" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=black,direction=135) glow(color=white,strength=1)"]

طه
ياروح روح المعــــــنى راح = وقلب الشقي جـانب الراحه
عاف الدواء واعـلن الجراح = لا طب يقــــــبل ولا جراحه

محمد
أظن ما تقتل الأجـــــــــــراح = والإسم مكتــــوب في لوحه
ما دام باقي ورق ما طـــــاح = الطب ما ضــــــــاع مفتاحه

طه
كفي عن البحث ما هو شاح = وروحي على الطب سواحه
وقنعوني عن المفـــــــــــتاح = طشوه في غبة البـــــــــاحه

محمد
خلــــــك لبعض الأسى دماح = واللي انكسر حاول إصلاحه
حتى تعــــــــــوّد لك الأفراح = ويســـــتبشر القلب بافراحه

طه
مهنا أسى والقــلوب صحاح = والا اعلنه للعـــــرب ضاحه
ولو أقبل الصــلح والإصلاح = تســـــــــرقني عيون مزاحه
أما عدل واقبـــــــــله مرتاح =والقى معك عــــدل فالساحه
والا اتركوني غريــــق بياح = ما يفيدني عـــــوم وسباحه

محمد
يا ما غرق فالبحــــــر سباح = في موج عـــــالي ومجتاحه
كثير مثلـــــــــك من الأرواح = تبكي وبالحـــــــــــيل نواحه
وإن كان تبغى الأمــور تزاح = خلك على مطـــــايب رياحه
الطيب للمبــتـــــــــلين سلاح = والمرء ما يترك ســــــلاحه

[/poet]