نماذج من مساجلات ( لشعراء الشعبي )
أعذب ما في الشعر إبداعات الشعراء فيه بتفننهم بأساليب جذابة وتراكيب جيدة ووصف طيب ومشوق وتصوير حالات توحي إلى حقيقة الموقف وتجسيده ويختلف اسلوب شاعر عن آخر من جودة وخبرة ومكانة شعرية وتغلب الموهبة على كل الصفات فالموهبة هي العنصر الاساسي في الشعر ويقوم بتنميتها الشاعر من خلال ممارسة الشعر 00
من تلك الإبداعات أنقل لكم ما قاله الشاعر الكبير والمعروف الشاعر عبدالله بن نايف بن عون في قصيدته التي يقول فيها:
[poet font="Simplified Arabic,4,black,normal,normal" bkcolor="transparent" bkimage="backgrounds/24.gif" border="double,4,gray" type=0 line=200% align=center use=ex length=0 char="" num="0,black" filter=""]
هلا باللي نعش روحي بصوته = وهو شوفه غذاء روحي وقوته
تفرقنا وحسب انه نساني = وصدتني أوقوتي عن وقته
بعدما كان مندثرن هوانا = زهم وحياء غرامي عقب موته
وهذا عادتن في كل وافي = فرض حبل المواصل ما يفوته
وانا قبله عن العشق امترجع = ما هوب اعياف خوف من شموته
وهو صار السبب في رجعتي له = نده قلبي وجاوب له صموته
لاجل عينيك يا مشعل غرامي = رهين الحب ومعمر ابيوته
مدامك رافعن صرح الصداقة = فانا حق عليه ادعم ثبوته
واعمر لك مقاصير بقلبي = واغطيها بعش العنكبوته
[/poet]
فما كان من الشاعر الكبير ايضا غازي بن دخيل الله عندما سمع القصيدة الجميلة والقافية الجذابة سوى مجاراتها بإبداعية أخرى جميلة يقول:
[poet font="Simplified Arabic,4,black,normal,normal" bkcolor="transparent" bkimage="backgrounds/24.gif" border="double,4,gray" type=0 line=200% align=center use=ex length=0 char="" num="0,black" filter=""]
يعيش اللي بعد طول سكوته = وعبّر فوق المحيط ابجيلبوته
جميع ماسة ومرجانه ودره = وغيره ما حصل له غير حوته
ومن حاول يجاري صيد فكره = يبا يحفي على دربه اسبوته
جزاء الله خير من هيج غرامه = لدعوى العشق طرش له افروته
وخلاه يتغزل في جماله = وياصف لوعته بوراق نوته
بيوته ذوقها للسامع أحلى = من السكر ومن تمر النبوته
ونوب الصعب منها عنده اسهل = من اخذته للقلم من جيب كوته
محيط الشعر ينقص لو عفته = ولو زدته غمر موجه اخبوته
[/poet]
وعندما سمع الشاعر عبدالله بن عون مجاراة الشاعر غازي له وابداعه في تلك القافية المشوقة ما كان منه إلا حث ركاب الشعر قدما في الإبداعية والاستمرار في هذا الرائعة التي توضح معاناة الشعر من غير أهله وامتهانهم له دون موهبة أو أدرك أو فهم ويقول عبدالله بن عون مسترسلا ومجاريا.
[poet font="Simplified Arabic,4,black,normal,normal" bkcolor="transparent" bkimage="backgrounds/24.gif" border="double,4,gray" type=0 line=200% align=center use=ex length=0 char="" num="0,black" filter=""]
لقيت الشعر ما تضعف افتوته = مع اللي فاهمن متره وفوته
الا ياليت كلن مثل غازي = يريح البال يوم اسمع بيوته
اليا حاول يجاري له قريحه = مشت له طوع ما هيب امعفوته
وطرلته قوافيها البخيله = ليا رام البحر غيب اخبوته
ترى بعض العرب شعره مغثه = تشوته عنك والا ما تشوته
لونه موترن جاك متحادي = تناضح فوق هوباته ازيوته
الا ياليت للشعر استشاري = يصونه قبل يفقع به انبوته
متي ما شاهده دفاع ساقه = يفك الناس من عصره ولوته
[/poet]
ويستمر حب الإبداع والانجذاب في طرح الموضوع وجمال القافية ويسترسل ايضا الشاعر غازي القصيدة علي النهج ويقول:
[poet font="Simplified Arabic,4,black,normal,normal" bkcolor="transparent" bkimage="backgrounds/24.gif" border="double,4,gray" type=0 line=200% align=center use=ex length=0 char="" num="0,black" filter=""]
ابيوت قلتها عدت بيوته = بها كل المذاخير امحتوته
هقيت اني حكمت وصار حكمي = منه خمسين ابو زيد وبلوته
وهقيت اني بدعت وصار بدعي = ديار بالصفا الصم امخروته
عيون الشعر شامت لبو نايف = كما شامت لأبو سعدون نوته
اليا استنى الفريق مفارقن له = عن اللي جامعن ثومه وتوته
هذاك اللي ليا سمع القريحه = سرى فوق اللحن يضرب اطشوته
وشعره حادرن له بطن وادي = مثل عمايت الرفل امعموته
سوات اللي يحاول في دواها = ويعمي عينها بالعنزروته
[/poet]
