طعون الزمان .. لشاعرالغربة

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اليكم هذه المشاركه متمنيا رقيّها لمستوى
ماتتطلّع إليه ذائقتكم الشعريه الرفيعه

طعون الزمان

انا اللي ليا هبّ الشمالي وجا النسناس=توارد طروق الحزن تبغىا تغنّيني
أعِدّ السنين اللي مضَت من زمان الباس=وخوفي من اللي باقي تجيبه سنيني
صحيح اكتب الأشعار وآصوّر الإحساس=وياما بِكَت من ويل ويلي دواويني
ولكِنّي ازرَيت اطرد الهمّ والهوجاس=هواجيس وقتي كلّها اليوم تكويني
أنا لابَغيت انسى همومي وازور النّاس=طعون الزّمان وقسوة الأيام تِثنِيني
حوَاجز كثيره واقفه دُونهم حرّاس=وغصب ابتعد واسأل وِش اللي يودّيني
وانا لو جميع الناس في مجلسي جلاّس=همومي عن اوقات الوناسه تنَحّيني
انا وش بقى لي بالزمن غيرهم نبراس=إذا طال مشواري قضىا مابقى فيني
مع إنّي صبور ولاقطَعت الرجا بالياس=أشوف الزّمان ليا رجيته يجافيني
جِدَاي انتِخي بالشِعر والحبر والقرطاس=مع إنّ القصايد كِثرَها مايمَنّيني
وتَلَخبَط قِصيدي مع دموعي على الكرّاس=وضاعت كِتاباتي وضاعَت عَناويني
على شانهم باصبر واعاني واطيع النّاس=واطيع الزمان اللي على طول جافيني
أنا اللي إذا هب الشمالي وجا نسناس=توارد طروق االشِّعر في غربة سنيني

صالح السناني /شاعرالغربة[/poem]

أخي صالح السناني
صح لسانك
مع إنّي صبور ولاقطَعت الرجا باليـاس
أشوف الزّمـان ليـا رجيتـه يجافينـي

سلمت ودام هذا العطاء المميز

مشكور اخي العزيز
خالد
على هذه الابيات الجميله
ياريت تكتب
شعر عن الي بيحصل في قطاع غزه
ارجوك
منتظر منك الرد
مع تحيات
المجايده

أخي المجايده

أعتذر عن تأخر الرد وأسأل الله العلي القدير
أن ينصر الإسلام والمسلمين ويفرج كرب المهمومين
في كل مكان..فالدعاء خير من كل قول ..
شاكرا لك مرورك الكريم .. حفظكم الله ورعاكم