التايه اللي جاب بصري يقنه

--------------------------------------------------------------------------------

الشاعر غني عن التعريف الا وهو الشاااعر بصري الوضيحي الشمري المشهوور بقصاائد الغزل .




يقال ان بصري ايام شبابه كان مفتون بالنسااء وغزلهن ولما كبر وولى الشباب قال له ابن أخيه(الشاعر عقيم):ياعمي انت كبرت وضيعّت شبابك بطرد البنات واللحين شيبت وانت ماحجيت حج لله قبل تموت .قال بصري:يالله نبي نحج وراحوا حجاجين يقولون بالطواف راح بصري يبي يحب الحبه اللي بالكعبه يوم جاء يبي يحبه الا عنده المزيوونه اللي مامثل زينه يقولون وهو يترك االحبه وهو يحب المزيونه عاد قال بها المناسبه قصيده يقول به:






doPoem(0)


التايه اللي جـاب بصـري يقنـه
جدد جروح العود والعود قااضـي
جينـا نحـج ونطلـب الله جنـه
جنة نعيم يـوم يابـس اللحاضـي
ياليت كانـت حبتـي فـي معنـه
يوم العيون عن الخوامل غواضي
بامن يعاوني علـى وصـف كنـه
اشقح شقـاح ولاهـقٍ بالبياضـي
لاريحـةٍ قشـرا ولاهـي مصنـه
ريح النفل بمطمطمـات الفياضـي
ونهودها الثوب الحمـر شولعنـه
حمر ثمرهن واقفـات غضاضـي
والخـد ذابـوح القلـوب المرنـه
برّاق مزن لاعج اللـون ياضـي
ياليت لو سني علـى وقـم سنـه
بأيـام مابينـه وبينـه بغاااضـي
أيام جدل الذيـب عنـدي محنـه
نصبح وزرق الريش لهن انتفاضي
واجرح قلبـي جـرح وادٍ وطنـه
غر المزون اللي وطنـه وفاضـي
والبيض قبلـي محسـنٍ عذبنـه
ونمر عللى وضحى جراله عراضي
عزي لمـن غـر الثنايـا كونـه
واركن على كبده كوي عراضـي
شوفـي بعنـي والخـدم يركبنـه
بنت الشيوخ مخدميـن الحياضـي
على أشقح من زمل ابوها مضنـه
ركبت عليه اتشنطـح بعتراضـي
بمشجر من سـوق هجـر مغنـه
على خياطه ناب الارداف راضـي
وين انت يامشفق على طردهنـه
انا طويت أرشاي واقفيت قاضـي
أحد يطيـح بنـار وأحـد بجنـه
وترى الحظيظ اللي له الرب راضي