لهم الولا روس الرجال الصناديد
ابدي بذكر الله عظيم الجلالا
محيي العظام الباليات الهواميد
الواحد اللي فوق عرشه تعالا
باسمه بديت القاف واقول واعيد
الفضل لاهل الفضل أول وتالا
لهم الولا روس الرجال الصناديد
عبدالله وسلطان ماض الفعالا
ابفتخر به بالتماثيل واشيد
عزّ الرفيق ان شان وقته ومالا
ونايف زعيم الأمن سيد الاواليد
اللي يشيلون الحمول الثقالا
هذا الاكيد وما يبي له شواهيد
ابمتدح ربعي على كل حالا
وما همني هرج الضعوف البواليد
حقايقٍ ما هيب قيلٍ وقالا
والمدح عندي به مثل ليلة العيد
في حبهم صغت البيوت الجزالا
وعن ودهم والله والله ما حيد
وين انت ياللي تدعي بالكمالا
ما شيف لك في حرب الإرهاب تنديد
بعض المواقف ما له أي احتمالا
والا ارتجف قلبه من الخوف رعديد
والعلم عند اللي تحل الشكالا
اللابه اللي توفي الكيل وتزيد
وانصحك تترك دقها والجلالا
ومالك ومال اجمالها والمفاريد
فهد بن عبد العزيز الرميان - بريدة
