[poem=font="Simplified Arabic,6,,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/19.gif" border="none,4," type=2 line=0 align=center use=ex num="0,black"]
قلبي نهيته عن ودادك وعيا = مسكين متولع ولا أحد سأل فيه
يقول عجل بالرساله عليا = حتى حبيبي لا قراها يواسيه
برسم عيونه مع جمال المحيا = وما فات مات وكل شئٍ بننهيه
بترجم إحساسي بشمسٍ وفيا=في قمة السوده عسى الكل يوحيه
إحساس صادق يطوي البعد طيا = ويو صله للي من أول يسليه
ويذكره في وقت جوه مهيا = وقتٍ غدا وغيوم جوه تباريه
كنا وكان السعد معنا خويا = مرٍ يبارينا ومرٍ نباريه
نمسك بغصنه يوم غصنه نديا = واليوم أشوف الغصن يبست مجانيه
إشلون يذبل والمحاني رويا = النبع جاري والمطر دوم يسقيه
وتبثه الأشواق شوقٍ نديا = شوقٍ يواسيها وشوقٍ تواسيه
ولو إنها بالعرف ولاّ حميا = شمر هل الطولات حاضر وماضيه
لكن ماهي بالقنا بالسويا = بالعقل والحكمه نصيبه ونخطيه
بعالج جروحي بروحي هنيا = وآخر علاج الكي بالنار نكويه [/poem]
