الهم في قلبي كتب له دواوين

[poem=font="Simplified Arabic,6,black,bold,normal" bkcolor="white" bkimage="" border="ridge,4,orange" type=0 line=0 align=center use=ex num="0,black"]

نفسي تجمهر عليها الاسـى ليـن=نثرت من نوحي بيانـي بـالاوزان
والهم في قلبي كتب لـه دواويـن=والصمت عم الكون والقلب شقيـان
اجر ونـه واتبـع الونـه باهيـن=وانعي فؤادي وما اهتويته من ازمان
حلفت مايسيل دمعـي مـن العيـن=ولا اناظر اللي عن هوانا هفى وكان
ولاشفت قلبي انتحى قلت له ويـن؟=قال الهوى مايروح مهما الزمن خان
قلبي يتحمل مير حظي هو الشيـن=يومي جنيت من الجفى كثر الاحزان
ليلي ونهاري اتوجد علـى الزيـن=اللي ملك مني رقيقـات الاشجـان
قلبي وروحي والمشاعـر حزينيـن=والنفس من وجدي شكت كل ماكان
امسيت اقلب دفتري واسالـه ويـن=من له نثرت حروف قلبي ومـالان
الوقت جايـر والحبايـب بعيديـن=والروح لو حنت عليها الزمن شـان [/poem]