اللي من أولها خراب أكيد تاليها خراب

[poem=font="Simplified Arabic,6,white,bold,normal" bkcolor="teal" bkimage="" border="groove,6," type=2 line=0 align=center use=ex num="0,black"]
( قصيدة أعجبتني )
********

إي بالله أخطوا والخطا اللي جابهم عين الصواب=مبطي وأنا أشوف الطمع يكشف رداهم وأستره
ما يملي عيون الحسود في هالزمن غير التراب=ومن لا يتوب من الخطا تَحرَم عليه المعذرة
اللي من أولها خراب أكيد تاليها خراب=والبندق اللي ما تثوِّر في هدفها تذعره
ودك إذا جاتك الغلطة من الناس القراب=الصاحب اللي ما كسبت محبته ما تخسره
مشكلتي إني ما عرفت أحسب لصدّتهم حساب=قلّدتهم صدري على ذِكري قصيد وحنجرة
صوتٍ يصول بمنبره وخطاب ما مثله خطاب=والطِيبة اللي زعزعت صوت الخطيب ومنبره
ما فيه دمعٍ صوّبوه أحبابي بوجهي وخاب=ولا عَتَم حزني على غالي ولا فج نْحَرَه
كل الزهاب اللي معي ذكرى من أصحاب الزهاب=واللي بقالي من عذاب ، أشرس طريقي وأخطره
لأني تجنّبت الغرق ، عدّيت من فوق السحاب=لأن أكثر أصحابي ورق ، ما شفت للطِيب ثْمَرَة
والله ما حطّيت بين الحقد والخوّة حجاب=حتى غدوا ربعي يحدّوني على الضيق أشْكره
البارحة ثارت عليّ رقاب و آوتني رقاب=البارحة ياثقل دم البارح ويا ماأحقره
أَهَب يا وجه الحسد وشلون جمّعهم وغاب=كيف السنين اللي عطتني بعثرتهم بعثرة
أثر المصايب ما تجيك إلا من الناس القراب=وفي هالزمن حتى الرفيق اللي تثق فيه إحذره
لا بارك الله في رفيقٍ تزعله كلمة عتاب=وإن ما ذخرني صاحبي لليوم الأسود ما أذخره
عوّدت نفسي كل ما شَدَّدْت لليِمَّة رْكَاب=ما أصد وجهي عن طريق إلا إذا جبت خْبَرَه
الصاحب اللي ما يجي من صحبته غير العذاب=نذرٍ عليّ إن ما هجرني وألاّ انا اللي بأهجره
من يفتح لفرقاي باب أفك له عشرين باب=وإذا خويّي ما يقدِّر خوّتي ما أقدِّره
إن روّحوا فأنا بريٍّ منهم ليوم الحساب=وإن جرّحوا قولوا لهم ما حرّكوا فيّ شْعَرَة
شفهم لهم حول السنة ولا خذوا مني جواب=أحسن دوا للي يحاول يستفزِّك تحقره
أنا جمعت أوراقهم في كتاب وأغلقت الكتاب=يا وقت لِمّ اللي تلمّه وأنثر اللي تنثره
اللي يخاف من الظما يترك لنا طرد السراب=واللي مهو قد الظلام ووحشته لا يسهره
أنا تجرّعت العطش لين إحترق وجهي وذاب=أنا كسرت بخاطري قبل الصداقة تكسره
أنا خسرت اللي غيابه غير عن كل الغياب=أنا غفرت لعالمٍ ما تستحق المغفرة
انا أكثر إنسانٍ تعلّم من كثر ما أخطأ وأصاب=وانا آخر لسان إيتكلم في زمان الثرثرة
أنا القصيد اللي فزع من دفتره مليون ناب=وأنا الوحيد اللي جمع مليون ناب بدفتره
شيّبت في عقول العرب وهيّبت روسٍ ما تهاب=جمْهَرْت ناسٍ عمرهم ما يعرفون الجمهرة
ما صرت ذيب إلاّ لأن اللي حواليني ذياب=ما كنت أغيب إلاّ لأن العفو عند المقدرة
تري حلاتك لا حملت لصاحبك كلمة عتاب=إن ما نطقت بْها فوجهه ما تذمّه في ظْهَرَه
في هالزمن ما يملي عيون الحسود إلاّ التراب=وألاّ الحضيض ، الطلقة اللي ما تصيبه تذعره
ودك إذا جاتك الغلطة من الناس القراب=الصاحب اللي ما كسبت محبته ما تخسره

********
[/poem]

تري حلاتك لا حملت لصاحبـك كلمـة عتـاب
إن ما نطقت بْها فوجهه ما تذمّـه فـي ظْهَـرَه
في هالزمن ما يملي عيون الحسود إلاّ التـراب
وألاّ الحضيض ، الطلقة اللي ما تصيبه تذعـره
ودك إذا جاتك الغلطـة مـن النـاس القـراب
الصاحب اللي ما كسبت محبتـه مـا تخسـره

حروف مضيئة
حروفك مضيئة
تحيتي لك

[poem=font="Simplified Arabic,6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
تري حلاتك لا حملت لصاحبـك كلمـة عتـاب
إن ما نطقت بْها فوجهه ما تذمّـه فـي ظْهَـرَه
في هالزمن ما يملي عيون الحسود إلاّ التـراب
وألاّ الحضيض ، الطلقة اللي ما تصيبه تذعـره
ودك إذا جاتك الغلطـة مـن النـاس القـراب
الصاحب اللي ما كسبت محبتـه مـا تخسـره

حروف مضيئة
حروفك مضيئة
تحيتي لك




أبن العلاقي 00000 جده[/poem]

اشكرك على هالكلام الرائع والمعاني القويه وتقبل مروري واحترامي

شكرا لك على اختيارك بس ياريت كان كتبت اسم الشاعر من باب المعرفه

طبعا القصيدة للشاعر المبدع حامد زيد العازمي