[poem=font="Simplified Arabic,5,,bold,italic" bkcolor="transparent" bkimage="http://www.alhejaz.net/vb/images/toolbox/backgrounds/12.gif" border="groove,7," type=0 line=0 align=center use=ex num="0,black"]
اللي بقاء من غصون الود غيـر ورقـه=من بعد ماكان غصـن الـود كلـه ورق
وانا افتح الباب من عاميـن ثـم اغلقـه=واقـول للحيـن بـاب السالفـه مانغلـق
يسرقني الشوق وانـا ماقـدرت اسرقـه=المشكله من سالنـي قلـت ابـد ماسـرق
سنين مرت وانا بـاب العـذاب اطرقـه=وماضن بالناس واحد كثر طرقي طـرق
والله لوكـان قلبـي عبـد غيـر اعتقـه=وانا ادري انه مايرجع لـي لونـه عتـق
من كثر ماكنت في خلف الضلوع احرقـه=اصلا من اول نهارات الـوداع احتـرق
ندى جبينه مـن الفرقـا وسـال عرقـه=ومن حينها كـل ماطيفـه يمـره عـرق
خلف فراقه بصنـدوق الضميـر اشهقـه=لاقالواسمه بدون شعور صـدري شهـق
كنه يتيـم علـى ابـوه الزمـان اسبقـه=وجا يسال الناس قالو مات وقـت سبـق
وفي ليلـة العيـد حـس بعبـرة تحنقـه=لاناظر اطفال جيرانـه بكـاء وانخنـق
ويمكن ينال اليتيـم مـن العبـاد اشفقـه=لاشـك قلبـي وليفـه غـادره ماشفـق
وليته رحل بس ماصـوب سهـم بندقـه=اللي سهمها مابين ظلوع صـدري مـرق
ويستاهل القلـب مادامـه عطـاه الثقـه=واكيد هذا مصيـر اللـي بنظـره يثـق
ياقلب صرت العزيـز المستحـق انفقـه=كنك غني كـل مايملـك بلحظـه نفـق
والا مثل مـن يـدور بالحديـد امرقـه=مايدري انه محـال ينـال منهـا مـرق
جتك العزومه رفضت وجيت تبغى اصدقه=صدقت لكن لمن للـي ماعمـره صـدق
قالو ترى شر مـن تحسـن اليـه اتقـه=وهذا مثـل وبتفاصيلـه عليـك انطبـق
والان ماعاد باقـي بالغصـون اورقـه=تبعت شورك لياما طـاح كـل الـورق [/poem]
