كشكول خواطر جديده رقم ( 4 ) بعد السلام على الجميع

[poem=font="Simplified Arabic,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/6.gif" border="none,4," type=0 line=0 align=center use=ex num="0,black"]
( 1 )

وقت الفجر وإندثار الليل = ومقابس الصبح نضاحه
تمايلت زهرة الإكليل = شوقاً والأشواق فضاحه

( 2 )

يعلم بي الواحد العلام = كيف إنها النفس مقهوره
تخاف لنسير بعد ليام = عشاق بقلوب مكسوره

( 3 )

خلاني الشوق في منحى = ويسوقني لين بابه سوق
يانايم الليل ماتصحى = وتفكني من عذاب الشوق

( 4 )

يامالك القلب ليه تكيد = تطغى وتجرح مشاعرنا
ماترق حتى نهار العيد = بالعند تكسر خواطرنا

( 5 )

لو كان رحتوا وبعتوني = وخنتوا غرامي وذاك الود
وأصبحت أعمى يقودوني = لأبقى على ودكم ياأحمد

( 6 )

الموت ولا الحياة أعظم = من فيهم نلبسه قلاده
في حالة العاشق المغرم = اللي على نار وقاده

( 7 )

حسبي على قلبك القاسي = اللي تعمد يفرقنا
ماأدري للأشواق متناسي = ولا بالأشواق يحرقنا

( 8 )

ياسيد والله تعودنا = على الطنش والتغلي ذا
واليوم ماعاد يسعدنا = غير الجفى منك ياهذا

( 9 )

ساعتك زادت دقايقها = ولا أختلف وقتها الساعه
ساعه ولاني مصدقها = ولاأظنها تكذب الساعه

( 10 )

الطرف يهمس لقلبي همس = بإحساس مقتول بكاني
راحوا لنا فالمقابر خمس = كل واحد أغلى من الثاني

مع خالص التحيه للجميع
أخوكم
ياسر الكبيدي[/poem]

[poem=font="Simplified Arabic,6,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الاخ ياسر الكبيدي وعليكم السلام ورحمة الله وبركاته
ياسمي لقد ابدعت وحلقت بنا في هذا الصباح الجديد
في يوم بداء يوزع اشعاعه على هذا الكون الملي
بالسعداء والتعساء لقد اسعدت الكل بخواطرك
وفقك ربي ----------

الطرف يهمس لقلبي همس = باحساس مقتول بكاني
راحولنا في المقابر خمس = كل واحد اغلى من الثاني

وفقك ربي ودمتم بخير وسعاده --------- [/poem]

رائع يا أبو صالح ..كلها درر تحتار أيها تختار

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لو كان رحتوا وبعتونـي= وخنتوا غرامي وذاك الود
وأصبحت أعمى يقودونـي= لأبقى على ودكم ياأحمـد [/poem]

بس مين أحمد هذا اللي مسوي العجايب ؟؟؟؟؟

أخي ياسر الكبيدي
منظومه جميله من الكسرات المعبرة
سعدنا بها حروفا مسطرة بانفعالات متنوعه


ساعتـك زادت دقايقـهـا................ولا أختلف وقتها الساعـه
ساعـه ولانـي مصدقهـا................ولاأظنها تكـذب الساعـه

تحيتي لك

الأخ : fmmf

الله يحييك أخي العزيز
كلامك أسعدني ويعلم الله أنه أخذ في نفسي الشيء
الكثير ونحن لانعبر ولانترجم إلا لنحصل على مثل هذا الكلام
الرائع الذي يغذي الروح .

جزاك الله خير الجزاء
ولك خالص التحيه

الروعه في تواجدك معنا يابا سفيان
فمتابعتك لها وقع ٌ آخر في نفسي
فأنت المعلم والمدير فأين لنا بأحسن
من هذا التكريم .

وأستر ياللي بتستر
لك مني خالص الشكر والتحيه

الجمال في تواجدك معنا
يامعلم
أنت من أصحاب الذوق الرفيع
وتعرف ماتختار ومتى تختار
لك مني خالص الشكر والتحيه