[poem=font="Simplified Arabic,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/11.gif" border="double,6,black" type=2 line=0 align=center use=ex num="0,black"]
البارحه ظاقت علي الارض مـن كـل الجهـات=وناديت بااعلى الصوت ظاق الصدر وينك يالسعه
وقلت الهروب افضل طريق من الهموم القاسيات=لكـن لقيـت الهـم جالـس فالجهـات الاربعـه
ووقفت في وجهه وسلينـا السيـوف المرهفـات=والكل ناوي راس خصمـه مـن متونـه يقلعـه
وبقيت انا ويـاه دفـع وشـد واستقبـل وهـات=وصرنا كـذا مـرات يدفعنـي ومـرات ادفعـه
احيان اقول ان نزعت السيف من يمنـى العـدات=واحيـان اقـول الله يخـارج سيفنـا لاينزعـه
وانهد حيلي وارتجفـت وقلـت يـارب الثبـات=ان كان ماربي فرجها رحـت وسـط المعمعـه
يارب ماغيرك يفـك مـن الشـداد المعظـلات=اطلبك لطفك قبـل وقعـات السهـوم الموجعـه
صحيح انا عزومـي تعانـق للنجـوم العاليـات=وصبري سوات طويق لو هب الهوى مازعزعه
لكن همومي ترتجـف مـن الجبـال الراسيـات=ومن هولها يمكن يشيب الطفل وامـه ترضعـه
لكن وعد مني وانا شوق الحسـان مـن البنـات=قـدام يشبعنـي طعـون ان بسيفـي لاشبـعـه
ون كان ماعزيـت سيفـي والركايـب مقبـلات=عهـدا علـي ذراع ماعـز المهنـد لاقطـعـه
والموت بالعزه شرف والا الممات اهو الممـات=ورجل شرب من كف غيـره شربتـه ماتنفعـه
واكبر مصيبه يوم جات طعون همـي خافيـات=وموت الشجاع اذا غداء همه وراء حدب اظلعـه
واسباب همي بعد ملهوف الحشا عذب الصفـات=غرقان في همـي لايسمعنـي ولاعـاد اسمعـه
اهل الحسد قدرو على عزل القلـوب الصافيـات=وهو مايعيش الا معـي وانـا ماعيـش الامعـه
وابعد علي اليوم بعد اللي سكـن شـرق الفـرات=لاوابي الابعـد مـن بجنيـف يبغـى المجمعـه
ومهما يزيد البعد تبقـى عنـدي مـن الغاليـات=اجي حبيبي واترك الدنيـا لـو اشـر بصبعـه
اصلا بدونه كـل دنيايـه شتـات فـي شتـات=لاغاب فكـري راح متبعثـر ولاعـاد اجمعـه
وانا لها لاقامت الهيجـاء وضـرب المعطبـات=اقبل سوات السيل والعالي مـن اعـلاه افرعـه
والله لونـي كنـت حاسـب لليديـن الخائنـات=مافيه احد يقدر براس الصقـر يكـرب برقعـه
لكن يقولون الرجال اهـل العقـول الراجحـات=ان كـان ماطاعـك زمانـك لاتحـداه وطعـه
وقالـو بعـد دائـم تكـون الاولات الرابحـات=ومن لايطيع الشور يمكن شـور راسـه يقطعـه
وراع الهوى مايستمع صوت الرياح المدويـات=ولوتنصحه عشرين عـام انـا اتحـدى تقنعـه
وايامنـا عسـر ويسـر ومقبـلات ومدبـرات=ومن يشتريك اشره ومن باعك عليـك الله بعـه
وانا احمد الله واشكره كـل الفعـول مسجـلات=وجميعها تكشـف بيـوم فيـه كشـف الاقنعـه
واللي زرعت السنبله تبشـر بعشـرة سنبـلات=ومافيه احد يظلم وكـلا يحصـد اللـي يزرعـه [/poem]
