قصيدة بعنوان (فيروووووس)؟؟

فيروس هجرك عطل القلب "تعطيل"
ودمر "ملفات "الفرح في حياتي
ياللي سكنت القلب من دون "تحميل "
متى "لموقعنا"تشرف وتاتي
عنوانكم ماهو ياهو وهتميل
عنوانكم روحي وقلبي وذاتي
كم مرة ارسلت لكم عبر الايميل
وادورك في منتداي وشاتي
وارسلت لك يازين فيل ورى فيل
فيها الغلا والحب ياغلا امنياتي
وارسلت لك قصة عذابي مع الريل
ياللي غيابك هو سبايب شقاتي
دايم عليك ابحث بياهو وقوقيل
وانت ولاتسال علينا بتاتي
خابرك بنتم فور اصلي وانتيل
لكن خسارة غيروك الوشاتي
وكان الهكر غروك بالقال والقيل
بادعي عليهم في سجودي وصلاتي
ياجعلهم بقعاء وطير ابابيل
ترمي عليهم بامر ربي حصاتي
يرضيك من حبك غدى منهك الحيل
ريقي غدى ناشف ويبست شفاتي
اقضي الليالي دمع عيني هماليل
لامن طريتلي تبدد مباتي
صحراي جفت ما لفانا مخاييل
وانت المزون اللي تروي نباتي
وياشين حالي لا قريب المراسيل
في الاوت لك أذكر قصص ماضياتي
منك "قلبي "شاف البهاذيل
وقلبك مثل "قرص صلب في القساتي
موقعك في روحي مقفل بتقفيل
حتى البركسي مانفع وش سواتي
بمفضلة قلبي عطيناك تفضيل
انت المفضل عندنا ياغناتي
ويازين هجرك عطل القلب تعطيل
ومن غير شوفك وش تساوى حياتي
كني بدونك قرص فارغ ولا فيل
فاسد ومرمى بسلة المهملا تي
ماعدت افرق بين اكسس و اكسيل
وماعدت افرق بين بلتك وشاتي
وباشكي على الكيبورد كثر الغرابيل
واكتب على الووورد المطور وصاتي
وهذه النهاية حطها وسط تضليل
لامت فغيابك سبايب مماتي

شكرا لك
قصيدة مرحة
ودعت جرحك
تحيتي لك

اقتباس:

---

المشاركة الأصلية كتبت بواسطة المعلم

شكرا لك
قصيدة مرحة
ودعت جرحك
تحيتي لك

---

شكرا اخي على المرور