افضل ماقيل فى رثاء الولد لوالده

رثاء خالد الفيصل لوالده الملك فيصل رحمه الله 0



لاهنت ياراس الرجــاجيل لاهنت.....لاهان راس فى ثرى العود مدفــون

والله ماحطك بالقبر لكن أمنت.....باللي جعل دفن المسلمين مسنون

منزلك ياعز الشرف لو تمكنت....فوق النجوم اللي تعلت على الكون

سكنت دار المجد ياشيخ وأسكنت....شعبك معك فى منزل العز ممنــون

صنت العهد ياوافى العهد ماخنت....علمتهم وشلون الاشراف يوفــون

كم ظالم عاداك واعفيت واحسنت....واخلفت ظن اجموع ناس يظنـــون

شلت الامانه حافظ ما تهاونت....شفنا بك رجال على النفس يقـوون

ياللي طلبه الملك بالحب زينت....عرشك بتاج قلوب شعب يحبـون

لونت تاج الملك ما قد تلونت....ماغرتك دنياك ماصرت مفتــون

بالزهد والمعروف والصبر كونت....منهاج فيصل منهج اللي يعدلون

تلفتت روس المخاليق وين أنت....ين العظيم وعود الشوف مطعـون

كم خافق وقف عقب ما تكفنت....وكم ناظر ذوب سواداه محــزون

لو شفت حال الناس عقبك تبينت....مقدار حب الناس للي يودون

مما بقلبي قلت يابوي لاهنت....والانت فوق القول مهما يقولون

شكرا أخ ناجي
فعلا كلام مؤثر

يعطيك العافية اخي ناجي