قصيدة للشاعر /عبدالله عايد السناني
هذه القصيدة لابن عمي الشاعر المقدم/عبدالله بن عايد السناني
(مدير المباحث الجنائية في منطقة المدينة سابقاً(رحمه الله رحمة
واسعة) وقد نشرت في مجلة فواصل الشعرية علماً بأنه من الشعراء
المعروفين والمعدودين وقد صدر له ديواناً شعرياً واخر تحت الطبع([poet font="Simplified Arabic,5,black,normal,normal" bkcolor="transparent" bkimage="backgrounds/18.gif" border="none,4,gray" type=0 line=200% align=center use=ex length=0 char="" num="0,black" filter=""]
يا ناشده كل الاجابات تضليــــــل
شاعرك يدري وش تقوله وشاتـــه
شاعرك ماا يحتاج زيفٍ وتمثيـــــل
كله وفا بالاربعه من جهاتـــــــــه
يا ما ملوا سمعه غناوي وتطبيـــل
وليا طلب حاجه تفانوا وجاتــــــه
واضفوا على دربه سماح وتساهيل
حتى تحداه التحدي بذاتـــــــــه
ما فاق من تطبيلهم والتهاليـــل
الا بعد ما مجمل الركب فاتــــــه
ياناشده شاعرك يحتاج لليــــــــل
كوني معه ليله وكوني عصاتـــه
كوني معه كل السنين المقابيــــل
ردي عليه اللي فقد من صفاتــــه
اما انصفيه وخلي القال والقيــــل
والا تخلي واخرجي من حياتـــــه
ان كان ماله في ربوعك مداهيــــل
اقلها لا تنظرين بشماتــــــــــــه
وان كان له عندك معزه وتفضيــل
صلى صلاة الشاكرين لنجاتــــــه
الشاعر / عبد الله بن عايد السناني
[/poet]
