يارب عبدك من عنى الوقت مضيوم

[poem=font="Simplified Arabic,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,red" type=2 line=0 align=center use=ex num="0,black"]
معلوم تضحك خالي الهـم معلـوم=مامـر قلبـك هـم.. لوقـدر ذره
وانا همومي داخل القلـب بالكـوم=مبطي الهنا ماخش قلبـي ومـره
وقتي غدى ياخالي الهـم مشئـوم=اضحك معك.. وبداخل القلب حـره
امس نتواجه فلة حجـاج وعلـوم=واليوم تسحبني الليالـي واجـره
حظي عثر بي والشقا امر محسوم=والهـم لـه بالقلـب كـره وفـره
في ديرةٍ غنى بهـا اسـود البـوم=ماذقت فيها يـوم طعـم المسـره
ياقل مابه مـن زحازيـح وقـروم=وياكثر من تقدح عيونـه مضـره
ياكثرهم مادامهـا جمعـة رخـوم=وياقلهـم لاشـد بأحـلاه مــره
ياكثرهم وقـت المعاذيـر واللـوم=وياقلهـم لالـوح الشـر شــره
ياحبهم للحـش والنـش والنـوم=وياكرههـم للمرجلـه والمـبـره
ازوالهم ترهب من عظام وشحـوم=وان سولفوا عدوا حـدود المجـره
وقلوبهم طفلٍ من العطف محـروم=ياكثر منهـو غـره الـزول غـره
الحكي مرهم.. والفعل داب مسموم=اقوالهم حلـوه .. والافعـال مـره
السعر طايح والرجاجيـل بالسـوم=ومن سام ياخذ والرجاجيـل حـره
يارب.. واحرقهم قبل باكر اليـوم=سود النوايا داخـل الويـل جـره
لعنه تلازمهم... ولعنـه لهـم دوم=ولعنه تزيل وجودهـم 1000مـره
والله يالولالقمـة العيـش لآقـوم=واغـادر الديـره ولاعـاد امـره
من جمعتنا علهـا تصبـح رجـوم=""ارامكـو" ياعـل ربـي يـفـره
ارامكـو ياعـل مافيـك مهـدوم=حريق مـن ربـي لبحـرك وبـره
عل السما تمطر على اآبارك سهوم=ونار الغضب وسط المباني مقـره
من شان افارقها ولااكـون مليـوم=ولا احدٍ يعاتبني.. ولااحد يتشـره
.
.
يارب عبدك من عنى الوقت مضيوم=صـابـر عـلـى بـلـواه لله دره
ولا انت يالله بالحفر كثـر الحـوم=ماقصروا جنحانـك بالـف صـره
ربي خلقني لاسود الهـم مكتـوم=والله خلق قلبـك يـذوق المسـره
الشاعر عساف التومي وسلامتكم [/poem]

وقد عقبنا على الشاعر بقولنا انه
لايجوز ان تدعي على ارمكوفهي شريان حي واكبر رافد لاقتصادنا
لكن ادعي على منهم يعملون في ارمكوا من روساء غير منصفين
وان يرزقها رجال مخلصين

الاخ غريب الشرقيه احسنت الله يوفقك بامتاعنا بهذه الابيات القييمه
وقتي غدى ياخالي الهـم مشئـوم
اضحك معك.. وبداخل القلب حـره
امس نتواجه فلة حجـاج وعلـوم
واليوم تسحبني الليالـي واجـره

الاخ عبشون شكرا لمرورك وسلمت يارعي النقد الهادف دون تجريح قمة الحكمه