فتنة الحفل ـ فهد عافت

[poet font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=200% align=center use=ex length=0 char="" num="0,black" filter=""]
فتنة الحفل

فتنة الحفل زيدي مشيتك بخترة = كل خطوة بروق وكل لفحه صهيل
باقي بين عقلي والجنون شعرة = اقطعيها ياشينه عاشق مو هبيل
خلي الارض تاخذ شكل غير الكرة= خلي النار تاخذ رمز غير الفتيل
من غدى الليل شعرك قلت انا باسهرة= ومن غدى الصبح وجهك قلت مالي مقيل
ارقصي بين حد الذنب والمغفرة = ارحلي في سكونك واسكني في الرحيل
ارجفي كنك الماء فزرته حجرة = واثبتي كنك الفضه بعين البخيل
وانحني مثل غصن في طرفه ثمرة = واوقفي مثل فزعات بدوي اصيل
والفحي علمينا كيف تقدر مرة = تزرع الليل صبح وتزرع الصبح ليل
في عيونك سواد يستحيل آخرة = كامنً في بياضاً اوله يستحيل
واحد تخزرين وما يجيك خبرة = اشهد انه عزيز واشهد انه ذليل
اترك العقد بين الجد والغشمرة = يخبر الناس وش معنى جميل في جميل
كن في الصدر ظبي عيوننا تذعرة = ينتفض يذعر الي مذعرينه قبيل
ومفرق الصدر حبات العرق تجهرة = كن لك عقد در وعقد من سلسبيل
بينهم حسد ربي بعد ما صورة = عقد وده يجف وعقد وده يسيل
اهـ وليا لمحتك مقبله مدبرة = شفت مثلي نحيل زم حمل ثقيل
دام ذا عجز وش للناس بالمقدرة = دام ذا خصر وش لي بالخواتم بديل
وسط ثوباً خيوطه صمت في ثرثرة = به قليلاً كثيراً وبه كثيراً قليل
كل شيء بجسمك يفضحه يستره = فيه فتنه قصير وفيه حشمت طويل
كنه المخطي اللي يطلب المعذرة = وكنه دامح الزله عن اللي يعيل
في ردونه نقوش و له سنابل ذرة = الله اعلم لو ان الريح هبت تميل
كل شيء ونقيضه فيك بالمسطرة = اقرب من النفس وابعد من المستحيل
كنك الكذب لكنه محد ينكرة = وكنك الصدق ولكن مافييدينا دليل
باشة الغيد زيدي مشيتك بخترة = لاجل اطاول بحرفي شامخات النخيل
شاعر تلمس ايدينك على دفترة = تغرق في اوسط اوزانه بحور الخليل


فـهـد عـافـــت


[/poet]

أستاذي المعاصر


الله000الله000الله000الله 0000أين هذا الابداع والروعه

وجمال الاختيار قسماً بالله أنك مبدع ورائع


شكراً لك وشكراً لفارس الشعر فهد عافت


وتقبل تحياتي أيها العزيز الغالي

اخوي العزيز المعاصر

بصراحه مشاركه رائعه

وابيات غايه في الجمال

مشكووووووووووووووور

والله يعطيك العافيه

اخوك / الحازم