حتـى يسافـر مصـر أو ديـره الــروم

[poem=font="MS Dialog,6,black,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,orange" type=1 line=0 align=center use=ex num="0,black"]
قال العزوبي:
قـال العزوبـي يـوم شـاف المعاريـس=الـرابــح الــلــي لاقــعــد مـايـقـومـي
أول سـنــة كـــل يـبــث الاحـاسـيـس=وثانـي سنـة تجلـب عليـك الهمومـي
وثالث سنـة حـط الرمـل والمتاريـس=لابــد مــن حـــرب تـقــوم وتـدومــي
لامـن دخـلـت الــدار لاكنـهـا بلـيـس.=متلـفـلـف فـــي غـالـيـات الـهـدومـي
تاخذ من المخباة وتسحب من الكيس=وتـغـيـر الـمـوديــل شــــي لــزومــي
وان قلت ما املك يامره لوهـو فليـس=قــالــت تــديـــن لاتـكــثــر بـلــومــي
ولا جـيــت مــــرة نــــاوي لــــك ب.=قـالـت تصـبـر خــل قلـبـك رحـومــي
ليـتـك تساعـدنـي تصـحـح كـراريـس=زادو علينا أربع حصص في العلومي
أزوارة في العصـر والصبـح تدريـس=والـلـيــل تـصـحـيـح وودي أنــومــي
تبكـي إذاجاهـا وجـع لوهـو ضريـس=وتقـول أبـي دكتـور مـاهـو حكـومـي
يروح عمـرك بيـن عـرس وتأسيـس=وأربــع سنـيـن والـبـزاريـن كـومــي
وسـط المطابـخ بيـن قـز ومحامـيـس=هـــذا صـحــن رز وهــــذاك ثــومــي
ولا خـلـصـت إمـنـظــف الـمـلالـيـس=جتـك تقـول انـهـج نـبـي زود لـومـي
ولا جبت قالت اكنس الحوش تكنيس=خـل الـبـلاط يصـيـر مـثـل النجـومـي
ومكرس جهدك من الخـوف تكريـس=وان نادتـك بالصـوت اقبـلـت مـومـي
يجـيـك تــال اللـيـل دايـــم كـوابـيـس=ويشـيـبـنـك مـزعـجــات الـحـلـومـي
هــذي حـيـاة الـلــي ركـــض بـاغــي=ضـيـع حـيـاة أول وصــار محـرومـي
تعيـش يالمعـرس حـيـاة المحابـيـس=وشف العزوبـي بكـل شـارع يحومـي
من مفرق جلاجل إلى جـوي للخيـس=وان حـار حايرهـم بوسـطـه يعـومـي
يفـرح إذا شـاف الوتـر والمراويـس.=وفــي كــل يــوم كـاشـت ومعـزومـي
شـف العزوبـي مايعـرف الهواجيـس=ولايــــودي حـرمـتــه كــــل يــومــي
ياعنـك ماحـاش الفخـر والنوامـيـس=.الا عــزوبــي يــعــرف الـسـلـومــي
اذا اعرس المعرس غدا عندنا هيـس=ونزيـل اسمـه مــن سـجـل القـرومـي
والــي بغـيـت البهـذلـة والدحـاويـس=فأعـرس وخلـك مـن عـداد الرخومـي
وش صابكم من عرسكـم يالمفاليـس=.وش استفدتـوا غيـر دق الخشومـي
اللـي تـزوج أشهـد انـه غــدا تعـيـس=.والـرابـح الـلـي مـاخـذلـه..........
ترى عناق العام نطـت علـى التيـس.=.والحـر عقـب العـرس يصيـر بومـي

قال العريس:
قـال العريـس أنـا الـذي فـي سـعـادة.=ماني عزوبي ضايق الصـدر مهمـوم
مبسـوط مـن مثلـي قعـد عـنـد غــادة=مهـوب مثـل اللـي لحـالـه تـقـل بــوم
أنــا أشـهـد انــه عـايـش فــي قــراده=.يــروح عـمــره ماتـهـنـى ولا يـــوم
الــي دخــل للبـيـت يبـلـش بـــزاده..=.يقعـد يقطـع لــه طـمـاط مـعـه ثــوم
ولاقضـى عقـب العصـر مــن عــداده=والحوض من كثر المواعين مزحـوم
والــي غسلـهـن ثــم فــك الـســداده.=...دلـى يغسـل لـه سراويـل وهــدوم
وان مـاطـبـخ روح لمـطـعـم حـمــاده=..ولا قعـد فـي منـزل واعلـن الصـوم
وان جــاه ضـيـف بـاغـي لــه رفــاده=..يـروح يشتـري رز وايـدام ولـحـوم
مايـعـرف الشامـبـو وشـعـره عــراده=وشمغـه مـن الـكـواي مليـانـه رقــوم
مايكـنـس الفـرشـة ويلـقـط بـــداده..=. أمـــا بـقـايـا رز أو خـبــز مـعــروم
عـنــده صـراصـيـر بـحـاجـة ابــــاده=تسرح وتمرح في الغرف دايـم الـدوم
يجـمـع قـروشـه ويتـسـلـف زيـــاده.=.حتـى يسافـر مصـر أو ديـره الــروم
أو راح يـــم الـتــاي وتـــرك بـــلاده.=.ناظـر جــوازه ممتـلـي كـلـه خـتـوم
دايـــم يـسـافـر مـايـعـرف الـعـبــاده.=. يـسـكــر ويـنـكــر و.... بـالــكــوم
والـــى رجـــع يـــروح يـــم الـعـيـاده=حيـث ان فـيـده مــن فعايـلـه مـزكـوم
لــه مـوتــر خـــرده كـثـيـر فـســاده.=فـي كــل يــوم فــي إشــاره مـصـدوم
غـمـارتـه تــقــول ورشــــة حــــداده=.ومريقـده فـي شنطتـه دوم مـحـزوم
دوم يتـنـقـل تـقــول كـنــه جــــراده.=فـي كـل يــوم نــازل لــه عـلـى قــوم
يسهـر والـى قـام الظهـر مـن رقــاده=. روح لشغـلـه ولا الـيـوم مخـصـوم
يــذي بـنـات الـنـاس يـبـغـى مـــراده=فـي كــل يــوم زاهــم عـلـى ( هــوم)
اراه مـايـعــرس ويــقـــدح زنـــــاده.=. يترك بنات الناس ويصير معصـوم
يـلـقـى هـنــوف تـخـدمـه مــثــل داده=ويـصـيـر رجــــال ويـسـلــم الــلــوم
يفـرح إلـى مـن قـرب وقــت الــولاده=.ويصير معنى العرس بالحيل مفهوم
يـشــوف أولاده ومـعـهــم شــهــاده.=.قبـل الوفـاة وقولـة النـاس مـرحـوم [/poem]