احساس شاعر/ المحياوي ناصر عليثه
[poem=font="Simplified Arabic,5,white,normal,italic" bkcolor="orange" bkimage="" border="double,8," type=1 line=0 align=center use=ex num="0,black"]
شعرتي بالجريح اللي ورا حدب الضلوع ينـوح=انـا ادري ماشعرتـي لوشعرتـي ماتكبيـنـه
والا ياللي رحيلك يعتبر عندي رحيـل الـروح=رحل قلبي معك واللـي بقـا نـازف شرايينـه
تعالي وارجعي والله غدت كل الـدروب جـروح=تعالي نطوي الماضـي حـرام اللـي تسوينـه
انا من كثر ما ابكي ناح من نوحي حمام الدوح=وبكى شجر النخيل وجر ونـه مـن بساتينـه
وبكى موج البحر والدر والمحار حتـى اللـوح=مع انه من خشب لكن شعـر باللـي حوالينـه
وبكى الباب وبكى الشباك شوفه من سنة مفتوح=كـأن لسـان حالـه ينتظـر رجعـة محبينـه
وانا اللي قلت يمنعني شموخي مستحيل ابـوح=ولكن لاذكروك بدون مـا اشعـر قلتهـا وينـه
ترى لا انتي ولا انا مالنـا بالتفرقـه مصلـوح=حرام فيوم نهدم صرح عشـر سنيـن بانينـه
لزوم لكل منا يقـول للثانـي الخطـا مسمـوح=ولو سوى خطا كبر الجبـال يصيـر ياهوينـه
هذا لو كان لك قلب رقيـق وبالحنـان يفـوح=مثل قلبي ولكن احسـاس شاعـر ماتحسينـه
ويكفيك الجريح اللي ورا حدب الضلوع ينـوح=وانا عـارف شعرتـي بـس قررتـي تكبينـه
أخوكم ناصر عليثه[/poem]
