رديح عبدالرحمن باخت الحمدي

http://www.alhejaz.net/ahmad/bakhet1.jpg

أقيم هذا الرديح بمناسبة زفاف الشاب عبد الرحمن باخت الحمدي
في مدينة أملج ليلة الخميس 2/7/1427هـ
حضره من ينبع محمد الهريويل ومن أملج محمد عبد المعطي وسعد دخيل الله وحميد الحميد وآدم عطا قاضي

لحن ليحان

[poem=font="Simplified Arabic,6,black,bold,normal" bkcolor="burlywood" bkimage="" border="none,4," type=0 line=0 align=center use=ex num="0,black"]
ينبع
سلام ما يكف له مصدر = وأجمل تحيات نبداها
لمقدمين الوفا نحضر = ولو حالت ظروف نحداها
أملج
قدر الذي انذكر واكثر = منا التراحيب تلقاها
دايم مع الطيبه تذكر = من مبتداها لمنهاها
ينبع
يا للي بذلت الوفا تشكر = رجال ما تقصر خطاها
أما بعد وثق المحضر = غزر المعاني وردناها
أملج
إنت بهذا الأمر أخبر = وأحنا معانيك نقداها
هات الذي عندكم وابشر = تاخذ على قد مبناها
ينبع
حاول على قد ما يقدر = نفسه عسى يحصل مناها
زادت عليه الهموم أكبر = ضعف الذي من قبل جاها
أملج
قدام حكم القضا يصدر = وأحكامنا يصادق قضاها
أبغى سبب منك واستفسر = عن الذي الروح عناها
ينبع
عيد النظر فالذي حرر = فأقوال يمديك تقراها
تكفي غشاره على المنظر= بعد الغزر صار في عراها
أملج
آخر مردود
لأجل ايش فالوضع تستنكر = كم قبلنا حي سواها
والمجتهد دايما يظفر = لا وثق خطاها ممشاها

وانكسر اللحن[/poem]

كسرات قيلت في كسر اللحن


[poem=font="Simplified Arabic,6,black,bold,normal" bkcolor="burlywood" bkimage="" border="none,4," type=0 line=0 align=center use=ex num="0,black"]
ماجد أبو مديدة
دعوه عزيزه من الداعي = عنها ما تقصر خطاوينا
يا عز للوافيه راعي= لولا الوفا كان ما جينا
عبد الله باخت
ليلة صفا والجميع حضور = رواده القيل مجتمعين
سجل لهم مهجتي في سطور = واكتب وفاهم عليا دين
عايد أبو جنق
جيت الوجب من بعد واجب = راع الوفا لازما نوفيه
العين ما تعلا على الحاجب = نكمل وفا والصفا نحييه
صالح بركي
مبروك منا لأبو باخت= اللي على الطيبه اصله
راعي وفا معدنه ثابت = متورث الطيب من أهله
[/poem]
لحن سلام
استلم هذا اللحن الشاعر عطية الله الفدعاني حيث اعتذر الشاعر محمد الهريويل لظروف خاصة

http://www.alhejaz.net/ahmad/bakhet4.jpg

[poem=font="Simplified Arabic,6,black,bold,normal" bkcolor="burlywood" bkimage="" border="none,4," type=0 line=0 align=center use=ex num="0,black"]
أملج
بنيت له فالفؤاد صروح = ما يهدها كيد عدواني
لكن عادت علي بجروح = كل ما نتهى جرح جاء ثاني
ينبع
لا صار صرح البنا مفسوح = ومجود الساس للباني
من وين قلبك غدا مجروح = ومنهو على روحك الجاني
أملج
القيل قدامكم مشروح = مرصود عن منطق لساني
اللي لهم في ثنايا الروح = ما قدروا موقف معاني
ينبع
حنا لنا فالمثل منضوح = لا تسأل سؤال براني
لو ما سبب ما يصير جنوح = ولا يشتكي حي ويعاني
أملج
ما شفت بارق أمل ويلوح = أبلغ منه شف يهناني
بيني وبينه سهل وسفوح = تحجب عنه نظرة أعياني
ينبع
كثر الأسى ما منه مصلوح = دايم وراعيه وحداني
واللي لهم فالحياة طموح = يسعون له قاصي وداني
راع الأمل ما تجيه شحوح = لا صار له فهم لقماني
ومن لا ترى ما وراه ربوح = اقنع عنه والعمر فاني
وانكسر اللحن
[/poem]

كسرات قيلت في كسر اللحن

[poem=font="Simplified Arabic,6,black,bold,normal" bkcolor="burlywood" bkimage="" border="none,4," type=0 line=0 align=center use=ex num="0,black"]
عواد أبو غندر
من بعد لجل الخواطر جيت = القصد أوفي مع الوافين
اللي نباهم على حييت = والله قسم عندنا غالين
عبد الله باخت
أبوي وآنا وإخواني = لأهل الوفا نرفع الرايات
وإن كانه الوقت مناني = عن مدهم ما أقصر الخطوات
محمد مسعود الصيدلاني
راع الفرح أكمل الواجب= يكثر تراحيب ويهلي
للي حضر والذي غايب = لعله اليوم ما يقلي
إبراهيم مطرب
أملج وينبع بهذا الفن = طلعوا على قمة المريخ
لعل راياتهم يبقن = وراع المكان الرفيع يشيخ
يوسف الكشي
ليلي سرى ما غفت لي عين = من نار شوقي وتذكاري
وجيت أوافي مع الوافين= من ديرتي للصفا ساري
عطية الله الفدعاني
يا ليتها العين ما ولفت = ولا فقدت فالزمن أحباب
أجسادهم فالثرى تلفت = ومنزالهم فالحشا ما غاب
عابد الرحيلي
لي قلب كل العنا صابه = مما حصل من نهار الأمس
اصبحت مهموم من مابه = خلت نهاري علي طمس
[/poem]

لحن زمانين
وشارك فيه مع شعراء أملج عبد الله باخت

http://www.alhejaz.net/ahmad/bakhet3.jpg

[poem=font="Simplified Arabic,6,black,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
ينبع
تحرق الصدر من مابه = لما خفوقه بدا شكواه
صابه من الويل ما صابه = سيطر على فارعه وادناه
أملج
قلبي معي زاد تعذابه = ودمعي تناثر وهل بماه
الويل قللي وش أسبابه = اللي جرح خافقك وادماه
ينبع
ممنون قلبي من أحبابه = والشكر مني لمن سواه
لكن العذاب الذي جابه = حطم كيانه وهد قواه
أملج
الحي يا ماأكثر أنشابه = دايم همومه معه تبراه
ليتك تقوللي عن أتعابه = من ود وألا سقم مأساه
ينبع
قلبي تولاه حرابه = جانب من المرحمه ما أعطاه
في حضرة الطب وغيابه = لو يوم ما هونت حرقاه
أملج
راع العقل يحسب حسابه= قدام يقدم يقيس خطاه
يسعى بجهده لمطلابه = ولا يلام من جد في مسعاه
ينبع
عندي عقل وأتقدى به = وأسعى فكل اتجاه وجاه
ما شفت لي جال والجابه = حتى دموع العيون عصاه
أملج
ما عندنا شك فأقطابه = الكيل ما تبخسه يمناه
حرابه القلب ما يأبه = إن ما لقي ردع من مبداه
ينبع
الآن أشرفت مرقابه = منك المثل زان في مبناه
لي خصم ما أقدر اصخابه = ما أقدر أجنب عنه وأنساه
أملج
يا سادة القيل يا أربابه = لو طال مشراقنا ما أحلاه
استمتع الجمع في خطابه = اللي حضر والذي يقراه
أوصيك لا تكثر عتابه = إن كان تبغى تنول رضاه
صون الرفق للذي سابه = وادله لأجل خاطره وادراه

وانكسر اللحن[/poem]

كسرات قيلت في كسر اللحن

[poem=font="Simplified Arabic,6,black,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
ابراهيم مطرب
استيسر الفلب واقفى به = من دون رحمه ودون إحساس
آنا أتعذب على حسابه = وهوه مجنب فجانب ناس
سعد دخيل الله
وفق الرفق فالبحر مطلب = مع جودة الجوش والدامان
ما يسير من دونها مركب = لو باشر الدفه الربان
عبد الله باخت
ما بين ناري وهرج الناس = جرحا أخبيه وىدسه
ضاقت بي الأرض والأنفاس = وعيا الصفا يكتمل أنسه
محمد عبد المعطي
حاله غريبه مع الإنسان = محسوسها ما انتهى ظنونه
يخفي دموعه عن الأعيان = وعند الصفا هلت عيونه
عايد أبو جنق
ليل الصفا والنفوس طياب= بحضور جمع الصفاويه
مافي تنافس ولا أحزاب = بيناتنا صافي النيه
ماجد مستور
لولا الهوى ما لفتت عيني = يم العوازل شمال وغرب
لكن أسى الود وظنوني= زود علي المآسي كرب
باسم أبو غندر
استنفر القلب ما خلا= كل الأماكن عليها مال
مدري يجيب الخبر وألا= اللي انتظرته سنين طوال
[/poem]

لحن مالك الروح

http://www.alhejaz.net/ahmad/bakhet2.jpg

[poem=font="Simplified Arabic,6,black,bold,normal" bkcolor="silver" bkimage="" border="none,4," type=0 line=0 align=center use=ex num="0,black"]
أملج
روحي لها ود متعبها = سالب هناها من الأفراح
مع كل طاري يعذبها = ويزيد لا شافها ترتاح
ينبع
الود كم روح سالبها = يا ما ابتلت من عناه أرواح
إن ما تبين سبايبها = من وين نلقى لها جراح
أملج
روحي لها طموح تطلبها = طال المدى والأماني شحاح
تفرض عليّ متاعبها = ولا لي عن ليامها منزاح
ينبع
لك روح الود مرهبها = حاكم عليها مسا وصباح
لا تجعل الغلب نايبها = اصمد وزيد الكفاح كفاح
أملج
حنين الأشواق صايبها = زاد الأسى والعنا يا صاح
كل ما بغينا نقربها= تأزمت والقلوب صحاح
ينبع
روحك لها أهداف تجذبها = في كل وجهه لها مسراح
عن الوصل كيف تحجبها = لا صار لك فالوصال اصلاح
مصادر الظلم حاربها = قو العزم للرجال سلاح
حتى تصفي مشاربها = وتنول بعد العذاب ارباح
وانكسر اللحن
[/poem]

انتهى الرديح في تمام الساعة الثانية والنصف ظهرا
ويا أصحابنا سامحونا