قصيده رائعه لاتــ(ابن هضيب الاحمدي )ــفوتك اقراء واحكم
الشاعر عوض بن هضيب الاحمدي
جادة قريحته بهذه الابيات الجميله والمليئه بالحكم والمواعظ
التى يجب الانسان المؤمن ان يجعلها نصب عينيه.
فهيا بنا نقراء مايقول شاعرنا الاحمدي رحمه الله في هذه القصيدة
[poet font="Simplified Arabic,4,blue,normal,normal" bkcolor="transparent" bkimage="backgrounds/3.gif" border="none,4,gray" type=0 line=200% align=center use=ex length=0 char="" num="0,black" filter=""]
واعيني اللي لذيذ النوم جانبها =كم ليله بتها ما أحد علم حالي
يوم الهواجيس ما شلا مناهبها =تمت على القلب وليا فوقه ظلالي
واسعد منه هوهواجيسه متربها =ومريح القلب عن ما شاف وما سالي
الروح مخلي بها ومريح جانبها =وليا ملا البد قال اليوم يهيا لي
انشدك من اتاك من مشرق ومغربها=مافيه حي غفل ماذاق معدالي
لو طايبتلك وشفت انك مطايبها =ياغافل اوعى ترى لك سمها كالي
وليا وفا حدها تاخذ قضا يبها =وتميل حيث انها تومر وتشتالي
الروح مني كما النيران تلهبها =لو كنت عند العرب كاني لحالي
افكر في الايام يامقرب محاسبها =وافاني الاجل وانا حسبت يبقالي
جود يقينك وروحي لا تعاتبها=ويش انت في الكون لا أول ولاتالي
قالت لي اليوم روحك ذا موجبها =والله مااعطيك لو هو ربع مثقالي
كم عين وزفانه تنظر لغايبها =على رهق قلب راعيها وزلزالي
خليت من دمعها تمرض حواجبها =فرقت مابينهم كله من افعالي
يالله بطلبك طلبه ونته تاجبها =يالله ياخالق الانسان ياوالي
الطف بروحي نهار الموت قابضها =نهار قبري ببطن الارض يفجالي
نهار روحي على الايمن مصلبها =نهار ماثابني أهلي ولا مالي
عشره ارشين من دنياي كاسبها =وما بقي مكسب الديان وعيالي
امسيت مقفي عن القشه وصاحبها =وامسي قريب العدد للمال متوالي
أمسيت مقفى عن الدنيا و نايبها=خلاف ما اقفيت به ما عاد يبقالي
أمسيت في بناية ماني مجربها =أظلم علي القبر وأيضا الهجر طالي
الا ذنوبي وحسناتي بصا يبها =واظنها ما بين كاتب وكيالي
قلت اوسعوا لي وهدو من جوانبها =ياحيف ذى المحشر كيف تسخالي
قالو هذا الحق مانقدر ندولبها =واللي نحطه لك يحطه لنا التالي
قالت لي الروح هون في مطالبها =انته اذا مت لا جسم ولا حالي
لمو علي الطبق ماا سمع محضبها =دانو عليه من الدقه والجلالي
سارو على الأرض وانا في مناكبها =أمسيت مااعلمك ياملفاي وعيالي
يالله ذنوبي عن احوالي تغربها =نهار كلا حضر في الموقف العالي
نهار ماتنفع الحيلات صاحبها =كلا تفقد ذنوبه وقال واحالي
اوصيك ياباغي البلغه وتطلبها =خلك على ماانزل ربك العالي
كمل فروضه وجنب عن مغاضبها =أوصيك لا تشتقي في نم الاقوالي
النفس لا ماتمنت شيء عاتبها =ترى من النفس يبليكم بالاهوالي
النفس لو زايلت في شيء معجبها =لا تامن الموت شوف العمر زوال
اوصيك الايام لو هبت هبايبها =لو زان معك الهوا في كل معدالي
لو طايبت لك وشفت انك مطايبها=ياغافل اصحى ترى لك سمها كالي
وليا وفى حدها تاخذ قضايبها=وتميل حيث انها تومر وتشتالي
اختم بذكر النبي عدة مراتبها =شفيعنا يوم جاء للذنب كيالي
في الموقف اللي جميع الخلق حاضبها =نهار كشف الدفاتر كل شيء يلالي
[/poet]
امل ان تنال استحسانك وتعم الفائده لنا ولكم
وان تاخذو هذه النصائح التي تعتبر حقاً درر وحكم يرثه الابناء
من الاجداد
اسال الله لنا ولكم التوفيق وان يحسن خاتمتنا
انه سميع الدعا ء
والى للقاء وقصيده اخرى انشاء الله 0
------------------------------------------------------------------------------------
مشكور أخي الأحمدي على هذه القصيدة الرائعة ولجمالها وروعتها أعدت كتابتها بكود الشعر ليتمكن الجميع من قراءتها 0 اسمح لي بنقلها إلى مجلس الشعر النبطي لأنه مكانها المناسب 0 تقبل تحيات أخيك الجهني 0
