نفسي عفيفة

[poem=font="Simplified Arabic,6,#0015FF,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
نفسي عفيفه ما تبي شيّ مكشوف =ما تشتهي شيٍّ ينافي للاسلام

لوّ الزمن يقسى متاهات وظروف =ما خالفت نفس الزكا عهد الاشيام

تمنعني الشيمه ويبعِدني الخوف =ما طبّت دروب الردييِّن الاقدام

كم صنـت نفسي من هوى كل ملقوف =شيٍّ يميّزني على مَرّ الاعوام

وكم رغبةٍ حطـّمتها تغري الشوف =وأعطيت نفسي قيمةٍ فوق الاقيام

ذا شيّ عنـّا بين الاصحاب معروف =تشهد به رجَالٍ عفيفين وكـرام

ما اصير في وضع ٍ من العيب مكتوف =ولا اعيش عمري في دهاليز الاظلام

طافت سنين وباقي العمر بيطوف =واللي كسَبته خطـّته روس الاقلام

شيٍّ تركته لأجل مولاي مخلوف =لا بُدّ ما تظهر حَسانيه قدّام

ما طاف طاف ولا على الماضي حسوف =إلاّ علوم ٍ كلها طِيب وانعام

عَهدٍ قطـَعته في مواثيق وحلوف =ما ينقضه طول الليالي والايام [/poem]