يـنـبـع تـوجّـد وجـد لـيـلـى عـلـى قـيـس=
ثـنـاء وتـقـديـر وعـرفـان
لرجل يستحق ذلك , بل أكثر من ذلك
مـطـلـب الـشـمـري .. أبو ناصر
أحد رموز ارامكو
أقام في ينبع مدة طويلة قبل أن ينتقل عمله إلى جدة
وحفظت ينبع له الذكر الطيب بما أولاها من حب أولاً
ثم بما أسدى إليها من موقعه في ارامكو من خدمات
وأيضا مساهمات في تشجيع أبناء ينبع للالتحاق بأرامكو وترغيبهم بها..
كنت أول ما رأيته قبل حوالي خمسة عشر عاما عند إجراء المقابلة الشخصية
وحينها اجتمع بنا أبو ناصر , زملائي وأنا , وكان متحمساً لتوظيفنا , وألقى محاضرة لا تنسى
حثنا فيها على كل خير , واهتم بتوجيهنا لكل ما يفيدنا في مستقبلنا الوظيفي
وكان يتحدث بحماسة ووطنية عظيمة ..
[poem=font="Simplified Arabic,6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
يا راكب اللي كنّهنّ القرانيس=فوق السحاب مسابقات الهبايب
لااقفت لها بالجو مثل المقابيس=لحظات وضياها عن العين غايب
ملفاك شيخاً من شيوخ السناعيس=شيخ العطا مطلب عطيب الضرايب
من نسل شمر كاسبين النواميس=بامجاد تبقى للعروبة عجايب
من عصر حاتم والقروم الاشاويس=على ظهور المكرمات النجايب
لا عصر ابو ناصر بعيد المراميس=مطلب عريب الجد جزل الوهايب
عز الطنايا بالليال المعابيس=ملجاً لهم مامون عند النوايب
يجلى وهَج وجهه ظلام الدواميس=وظلاً لهم عن وهْج حر اللهايب
فاق الشعر مدحه بكل المقاييس=متساوية فيه العدا والقرايب
ولا تحتوي ضلعان حايل قراطيس=الشامخات مناطحات السحايب
مطلب جميع الوصف دونه ليا قيس=بطيب الفعول وبالنسب والكسايب
ما طاقوا امجاده شيوخ وفواريس=ولا تنقل جبال السراة الركايب
حلو النبا زين اللقا والتوانيس=تلقاه لا جيته على العز نايب
في مجلساً فيه الدلال المجاليس=فوق الوجار اللي من النار شايب
يِبري شذا فنجالهنّ المعاميس=كنّه شذا طيباً من العود ذايب
لو كان ما هبّت عليه النسانيس=يفوح طيبه مثل راعيه طايب
قلّه ترى للدار ذكرى واحاسيس=والوافي تنقّض عليه الذوايب
لااقفى وخلاّها بصالي المحاميس=من شوقها لمروّضين الصعايب
داراً تركها بين فكر وهواجيس=باسباب ولاّ اقفى بليّا سبايب
ينبع توجّد وجد ليلى على قيس=عليك ياللي غبت لو منت غايب
متأسساً فيها لك الساس تاسيس=ولك كل اهَلْها اصحاب واهْل وحبايب
........................[/poem]
