جــرح الليــــال

[frame="7 80"][poem=font="Simplified Arabic,5,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لاتقول إن لقيانا محال=لاتقول إن قلبي مايطيق
شوفني شلت حملٍ مايشال=شايله لأجل طيفك لي رفيق
حمل لوكان بظهور الجمال=نوخت به على جال الطريق
في غيابك لوإن الما زلال=لارواني ولا بليت ريق
حاصرتني الهموم اللي ثقال=وحبستني وانا حرٍ طليق
بين ثنتين مافيها جدال=حاجة النفس والسد الوثيق
اجرع الصبر لو الصبر طال=وارمي السر في بيرٍ عميق
وابني احلام من نسج الخيال=واتعلق بها مثل الغريق
وانت جرحٍ على طول الليال=مادرابه عدو ولاصديق
غير ربٍ عليم بكل حال=وحده اللي يفرّج كل ضيق
بس لازال في بالي سؤال=بإنتظار الجواب اللي يليق
كيف رغم المسافات الطوال=وانت كنك على قلبي تويق
كلما شفت للفرحه مجال=قمت شبيت باعماقي حريق
ورغم قسوتك قلبي لايزال=هايمٍ فيك عيّا لايفيق
والمشاعر تناديلك تعال=طال صبري وقلبي مايطيق[/poem][/frame]

أهـــلا و سهـــلا
بالشاعر / عبد الله الطلحي
بعد طول غياب
مع الشكر على هذه القصيدة الرائعة

صح لسانك

وسلم بنانك

على الابيات الروعة

لاهنت يا شاعرنا العزيز عبد الله الطلحي

اخوك

عاشق حزن