اضحك معه وامزح واقدر مباديه
قصيده رايعه للشاعر محمد بن شجاع الحربي وصح لسانه ان السجاره دمار القلب مثل الحب
[poem=font="MS Sans Serif,6,,bold,normal" bkcolor="transparent" bkimage="http://www.alhejaz.net/vb/images/toolbox/backgrounds/17.gif" border="solid,10,limegreen" type=1 line=0 align=center use=ex num="0,black"]
لولاي ادله خاطري بالزقاره=لبوح في هم عن الناس مخفيه
اجر جمرتها وتبرد حراره=واكوي بها هاجوس قلبي واهاديه
ايا عمار القلب وايا دماره=ومن ورد الدخان ربي يجازيه
يابو هلا ماكنتي له شطاره=قل للمطوع فاقد الحب غاليه
يابو هلا خلي بعيد مزاره=قفو به البدوان وضاعت حراويه
ياعنك مادوج بحوش العماره=ولاطبت اسواق المدينه مواطيه
ماعاش فالديره وجو الحضاره=نبت الخزامى والنفل هي مرابيه
وابرى حالي برى عود النجاره=عود براه بن الدهيمي بياديه
عليه خد اليا تبين حماره=يدني منايا عيون شخص تراعيه
ادعج غنج يفتن بذوق وشطاره=لاسلهم برمشه غريبه معانيه
عينه كما عين اشقر بالزباره=فرعبه غلام بعيده مراميه
معرب متولع بالصقاره=اهل النميمه والحسد ماتدانيه
والعنق عنق اللي سريع فراره=ادناه حس يجفله من مفاليه
انا رهين لحاجبه والاشاره=ومرهون في بسمة جنابه واشافيه
كم مرة والليل ضافي سماره=اضحك معه وامزح واقدر مباديه
حكيه سحر اسلوب فن ومهاره=قلب الهواوي يمزعه من كراسيه
قفت به الاقدار ومثله خساره=عزي لجفن جاير الصبر كاويه
امن القهر فالكبد مثل المراره=ولدق بي هجس الغلا صحت اناديه
قلبي يفز كل ماتذكرت ساره=فزيز اف ستة عشر من محانيه
ارجيه طول العمر وارجي انتظاره=ياكيف ابنسى مرحبا فيك لبيه
هاذا منى قلبي وهاذا اختياره=وغيره من الخفرات ياصاح مابيه
مع كل طلعة شمس بالجوف غاره=يغير ماض الشوق واذكر لياليه[/poem]
