إنت ماضي عذَّبَتني ذكرياته // وانت ذكرى باقية لاحلى سنيني

[poet font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
إنت ماضي عذَّبَتني ذكرياته=وانت ذكرى باقية لاحلى سنيني
عاشها قلبي وهي لذة حياته=واظلمت من بعْدَها الدنيا بعيني
ما بها لي غير عُذال وشماته=لو انا قلت آه مما في كنيني
آه مما فيه من شوقه لْذَاته=آه حتى الصبر ماهو في يديني
أترجّى القلب لا يفقد ثباته=لكن العبرة يحدّرها حنيني
وانت وحدك من يداويني التفاته=وانت بس اللي بعطفك تحتويني
يا هوى قلبي وحلمه وامنياته=أدري انك من غيابك ما تجيني
وادري ان العمر ما حانت وفاته=مير بعْدَك ليت ساعتها تحيني

.................
[/poet]

صح لسانك يابو يعقوب
وتسلم يمينك على هذه الرائعه

صح لسان يا يوسف .. ابيات رائعه

صحت ابدانكم
يا ابو خليل ويا زياد
ويسرني ويشرفني أن حازت هذه الأبيات على إعجابكم

والله يعطيكم العافية
تواصلكم ونشاطكم ملحوظ في المنتدى ما شاءالله عليكم
لكم مني أرق التحايا وأصدقها