العسكرى ليش مايحاسب

الزبدة
لقيتلك الحلاق المصرى مقهور يقول البوليس عندكم طفشونى يجى يحلق ويقول الحساب بعدين وسنتين عالحال دى ولما طالبه بحق الحلاقه قاله عيب يعنى احنا نبغى ناكل حقك بعدين بعدين

والبنغالى اللى فسوق الشوام يقول دايما يجيه عسكرى من الجوازات ويقضى من عنده ولا يحاسبه ويطلب الاقامه يطالع فيها وبعدين يرجعها يعنى لو فكيت فمك فيها كلام ثانى

والبكستانى حق البقاله يقول كل يوم جريده الرياضيه ياخدها جاره العسكرى بعين قارحه ولما كلمه على الحساب نفخ فيه وقال له بسيطه كلها كم ريال وتطالبنى فيها وجاه فالليل بسياره الشرطه وحاول يضايقه ويسال الباكستانيه اللى عنده فالبقاله ايش عندكم هنا مجتمعين

حسبى الله ونعم الوكيل

أذ كانت الأوراق رسمية مايخاف من أحد وهذول اللة يحاسبة والانجمع العسكر كلهم

تدري ليه يابشير

لأن المصري والبنغالي والباكستاني في بطونهم لحم ني ومتسترين عليهم سعوديين والعسكر عارفين

والله لو صاحب صالون الحلاقة ولا معرض الملابس ولا البقالة سعودي كان ما يتجرأ أي واحد يأخذ بدون ما يحاسب

بشير صدقني ان الكلام غير صحيح وانت تعرف الانظمة عندنا محد يقدر يمس اي مقيم

وهذا الحلاق يجب ان يسأل ويؤدب عن هذا الكلام

اقدر لك غيرتك على مايسئ لسمعة الوطن


ولكنت انا ودي اعرف كيف لك ان تتهم رجال الامن بكافة القطاعات بهذا الاتهام الخطير ( عفوا عنوانك فيه تعميم )


ياعزيزي اذا كان العسكري ( كما تقول ) مايحاسب فهو شاذ ( يعني عسكري ) والشاذ لاحكم له

وفيه في كل وظائف الدوله من يستغل المنصب للحصول على ماهو اكبر من ماذكرت
والله المستعان


موضوعك جميل ياعزيزي
ويعيبه التعميم

الله يهديك يابشور يعنى تغيب الغيبه هذه كلها وتجينا بهذا الموضوع المهم مبروك المنحه ياقمر والله يوفقك

لايابشير هذا كلام خطير وخطير جدا .........................................
مصيبة اذا وصل الامر لهذا الحد ,ولكن يابشير امر مثل هذا لايصلح ان نذكره وبهذه الطريقة الغير مسئوله ؟
راح تقول طيب كيف انقله اواطلع الناس عليه اقولك ياسيدي نبدا بالمصري الي قلك العسكري ده له سنتين بيحلق و مايحسبش اقوله اذا انت صادق ولك حساب عنده ومايسدد تقوم معاي ولاتوقف غير عند مدير الشرطة ومااظن انه يقفل بابه ومايقبل دخولك انت والمصري وتفهمه وتقوله هذا الحلاق قال كلام يزعل وانا ماارضى ان يكون رجل الامن لبانه بفم مصري اوغيره ,اما ان كان كاذب او( بطنه لحم ني) صدقني راح يقولك ياعم سيبها لله اخذ حقي منه يوم الحساب طبعا ياابو البشائر لحظتها تهدده وتقوله لواسمع منك ثاني مرة كلام مثل هذا لاتلوم الى نفسك .
اش رائيك اخونا بشير لو كل واحد منا عمل مثل هذا يتجرأ احد في الاسهتزاء برجال امننا الذي نحسبهم اهلا للثقة ولكن لايمنع من وجود شواذ القاعده ولكن الاهم دور المواطن يجب ان لايكون في مكان الضعف ومجرد ان يقال له مثل هذا الكلام على الفور يرد( صحيح يعم بنغالي والله العسكر بهذلونا ومانعرف كيف نتفكك منهم ومن لابشاتهم) .
(المواطن الضعيف هما وألم للوطن )