المشاركة الأصلية كتبت بواسطة راعي البل
أخي الغالي أبو محسن حيث إنك تمون على الروح وجديد مابه جديد حبيت أضع بين يديك أنت وأعضاء المنتدى هذه القصيده اللي كتبتها من فتره وأتمنى إنها تنال رضاك
[poet font="Simplified Arabic,6,black,bold,normal" bkcolor="firebrick" bkimage="" border="ridge,4,white" type=0 line=200% align=center use=ex length=0 char="" num="0,black" filter=""]
يامل قلب ما مرح الليـل ملتـاع=سهران لين الصبح بيّـن طلوعـه
قلبٍ غـدى للهمّ مرتـع ومربـاع=كثرة همومه عقبـت فيـه لوعـه
وقتٍ يقلبنا على أشكـال وأنـواع=يقطعك ياوقـتٍ تغيـر طبوعـه
يجعلك عن دار المحبيـن نـزّاع=ويذكر المشتـاق ديـرة ربوعـه
وذكرت أنا لي صاحبٍ وافي الباع=شخصٍ عزيزٍ بس فيه القطوعـه
له منزلٍ متمكن بيـن الأضـلاع=يعلم بها من شاف قلبي وضلوعـه
وش الذي غيرك يازين الأطبـاع=وأنا مماشي لك برسـم المطوعـه
إن كان وصلك هرج حاسد وطماع=يجلس لهرجتكم ويرخي سموعـه
يفرح بها ويجازي الصاع بالصاع=يبغي المضرة مايريـد النفوعـه
واحذر ترى قلبة زمانك بالإسراع=والنفس من دنياك ماهـي قنوعـه
وختامها صلوا على سيد الأتبـاع=نبينـا محمـد عظيـم الشفوعـه
[/poet]
