أهل الشمال إحنا على الخير والشر
[poet font="MS Sans Serif,6,black,normal,normal" bkcolor="transparent" bkimage="backgrounds/17.gif" border="solid,10,orange" type=2 line=200% align=center use=ex length=0 char="" num="0,black" filter=""]
أهل الشمال إحنا على الخير والشر=من سد حقل ليا مضارب قضاعـة
وأهل الشمال إحنا لنا فعـل يذكـر=لو يكذب التاريـخ نلـوي ذراعـة
وأهل الشمال إحنا هل الكر والفـر=تاريخنا منقـوش موهـو طباعـة
وأهل الشمال إحنا طعم لحمنا مـر=بالحق نحمي حقنـا مـن ضياعـة
وأهل الشمال إحنا كما الحر الاشقر=فينا الكرم والمرجلـة والشجاعـة
أكبـر دليـل إن الشاهيـن تعبـر=في خـط هجرتنـا علينـا تباعـة
ماتلفي الاحـرار الاعلـى الحـر=والحـر ماعمـره غيـر طباعـة
إن جيتنا بالطيـب مسـك وعنبـر=وإن جيتنـا بالثانيـة سـم ساعـة
صحيـح إن الفقـر فينـا تكـاثـر=مـع عـزة بالنفـس فينـا قناعـة
ما ودنا فـي رزق حظـه معثـر=الله ولا رزق يجـي فـي دناعـة
في كف أخو نوره حسام مشتهـر=وأحنـا سعوديـن سمـع وطاعـة
الشاعر :- محمد عبيد البلوي
[/poet]
