بس.والله مابخلنا به علا بدرررررررررريه

[align=center]السلام عليكم ورحمة الله وبركاته قصيده للشاعر فلاح ال مخلص



اتمنى ان تعجبكم هذه القصيـده

(بدررررررررررررررريـه) [/align]


[poet font="MS Sans Serif,6,black,normal,normal" bkcolor="transparent" bkimage="backgrounds/17.gif" border="solid,10,orange" type=2 line=200% align=center use=ex length=0 char="" num="0,black" filter=""]
دمعة العشـاق لـو يبخـل بهـا الرجالـي=ماتزيـده غيـر فخـر وعـزه وجاهـيـه

ياحمد.دمعـي عزيـز يشـمـت العـذالـي=بس.والله مابخلنا به علا بدرررررررررريه

يوم قالـت لـي فمـاااان الله فـي جواالـي=سالـت دموعـي! ودقـت بعدهـا بشويـه

ثـم قالـت .انـت تبكي؟قلـت لا يالغالـي=دمعة مـرت عـلا عيـن الشقـى جبريـه

كيف اقاومها وهي غصبا علـي تبـرا لـي=تندفق مـن مـوق عينـي والمواجـع ليـه

وانت تسقيني مرار وتشـرب مـن الحالـي=مالـك قلبـي ولا لـك ياحبيـبـي جـيـه

تدري اني جيـت امـول وابـدع الموالـي=ثـم نسيـت الشاعـر وغنيـت يامولـيـه

جعل يسقـى يـوم كنـا يالغضـي جهالـي=مانعـرف الحـب.ولا دلــة العصـريـه

مانعـرف الا التـراب ونرسـم التمثالـي=المواتـر عــود والافــلام كرتونـيـه

دالهيـن مــن الجمل.والحمل.والجمـالـي=ودالهيـن مـن الدراسـه .واحفـظ الالفيـه

ودالهيـن مـن القبايـل ياعريـب الخالـي=ودالهين مـن العيـون اللـي بلاهـا فيـه

طحـت مـن نظراتهـا ويـلاه واعزالـي=ارفع المعلـوق تلقـى فـي الحشـا ماريـه

اسمحو لي .ودي اوصف واخـاف اقوالـي=ماتوفيـهـا ولا تنـفـع لـهـا مولـيـه

اوصف البسمات .والغمزات.عـال العالـي=بديهـا وافـي. واحـب انوارهـا الغازيـه

لقبلت فـي ذمتـي خايـف لقـول اهلالـي=ولدبرت كنها مـن الليـل الغلـس مطليـه

الشعـر كنـه علـى ردفينـهـا شـلالـي=ماتـفـرق بـيـن هـذيـه ولا هـذيــه

والعيـون مكحـلات والرمـوش اظلالـي=مابقى الا اقول هاتـو عزبتـي فـي الفيـه

والخشـم سيـف صقيـل ماسكـه خيالـي=ركبـه ربـي وزيـن خلـقـة النشمـيـه

والمبيسم وش اقول؟انـت اتعـرف لطفالـي=بعظهم يشرب .حمر .ثم (يلبـس الطاقيـه)

لا بصـم فـي شفتينـه قلـت ياحـلالـي=والله ان ؟تيـا ؟ شفايفهـا معـه عـاريـه

(والبرد شوفه) فـداه الحـال قبـل المالـي=كنـه اليـا مـن تلعثـم ينطـق العبـريـه

والمعنـق كنـه معنـق غــزال سـالـي=والتفت ثـم شـاف ذيـب حالتـه مرثيـه

ضامـر سرجوفهـا مابـه ولا مثقـالـي=اشهد ان الخصـر ليـن مـن ليـان الحيـه

والـردوف مزبـرات والفخـوذ اثقـالـي=يستغير الثـوب طيـه مـن وراهـا طيـه

كنه ايقول امشي الحالش وانـا فـي حالـي=انجـزم قلبـي وانـا والله مــا بيـديـه

غير نظرات العبـاد وشيـن حـظ وفالـي=وهرجة من واحـد لـه فـي كلامـه نيـه

فـوق ساقيـن بوصفهـا واقـول اجلالـي=مدمجات.مبرمـات.والـقـدم مـبـريــه

لا مشت بين العرب يضرب بهـا الامثالـي=كامـلـه والكـامـل الله ورده الـبـريـه

لو تجي في دولة الحكـام صـارت والـي=تنتزع عـرش الحكـم .بالخطـه المخفيـه

لو مخاف انها تناقصنـي حذفـت اعقالـي=للقـوام اللـي اعروقـه كلهـا (نجـديـه)
[/poet]