الفيت الجنوبي

[align=center]اود احاطة رواد المنتدى الكرام ان النص التالى للالفية هو الصحيح للشاعر محمد سعيد الجنوبي (الوادي الاخضر)[/align]

[poet font="MS Sans Serif,6,black,bold,normal" bkcolor="transparent" bkimage="backgrounds/17.gif" border="none,10,limegreen" type=2 line=200% align=center use=ex length=0 char="" num="0,black" filter=""]
الف اولف من حسين الكلامي = للصاحب اللي رضاه غاية مرامي
شغفا على شوفه ولو فى منامي = لاكن زماني صعب مافيه حيلات
البا بلاني الله بصده وحبه =فرقا الحبايب ياهل العرف صعبه
حسبي على من صار للهجر سبه = جعله ردي الحظ في كل الأوقات
التا ترى بعض المحبة خساره = لاطحت مع شخص بعيده دياره
تقضي حياتك مانوالك زياره = ولا يستحن لوقيل له صاحبك مات
الثا ثلاثة أشياء حلاة المودة = لامن تهيا الصاحب اللي توده
أيضا وصان السد عندك وعنده = والثالثة مايسمع أهل النمامات
الجيم جسمي عجز من شيلة الثوب = باسباب من لا فيه عيب وعذروب
ياناس كيف أقوى الصبر عنه واتوب = راحت حياتي بين روحه وجيات
الحا حسين الدل طبعه تغير = وأنا على ما صار فكري تحير
أول علي في البيت دايم يسير = واليوم أشوف الزين ناوي بصدات
الخا خوف الله ياحبيبي بحالي =وارحم عليلا ماينام الليالي
لوتعرف اللي من سبايبك جاري = أسهر طوال الليل ماانام ساعات
الدال داو القلب يا نور عيني = واسمح دخيل الله لنا بكلمتيني
وش السبب ياسيدي ماتجيني =قللي ووضح لي جميع الحكايات
الذال ذكرك دايما في لساني =وانت الوحيد اللي اشتهي في زماني
انا اشهد ان الله بحبك بلاني =واشوف حبك خلخل الحال بسكات
الرا رماني بالبحور الغزيرة =بمجدل كالليل ضافي شليله
عز الله ان روحي من أجله عليلة = نفسي ملاها ناعم العود حسرات
الزا زماني ما صفالي ولا يوم = وعيوني القشرا جفت لذة النوم
وين اهتني واللي يبي القلب معدوم = يا حيلة الله وين أنا والسلامات
السين سم الحال سيدي و قفا = مضى عليه اشهور عني ايتخفا
نوري عقب فرقا اريش العين طفا = ياحسرتي على زمان لنا فات
الشين شاب الراس والقلب محتار =عزي لمن قلبه على واهج النار
يا زين عطني صورة منك تذكار =لعلها تبري جروح طريات
الصاد صبري منك واصل حدوده = وعيب على السيد ينقض عهوده
يوفي بوعده لو تبين سدوده =هاذي حلاة الحب في كل الأوقات
الضا ضحايا الحب ناس كثيره = محيسن و مجنون ليلى وغيره
كم واحد قبلي شكا من عشيره =و مشاكل اصحاب المحبة كثيرات
الطا طلبته حاجتينن هوينه =ابغيه ليمن مر يخش عينه
والا يقابلني ويحرك جبينه =يكف عني لايشوف العقوبات
الظاد ظنيته وليف فريد =والهقوه ان الكذب للزين عادات
العين عاد الحب في القلب باقى = يا نور عيني لا يطول الفراقي
كويتني كي السبيب العراقي =وذبحتني يا ابو العيون الكحيلات
الغين غبات البحر غصت فيهم = وخرجت نفسي من بحور اجيهم
كل البحور انا اتسيطر عليهم =الا بحور حبك ياحبيبي غزيرات
الفا فلاادري ويش بيجري علينا = انا معك في ذا الحياة ابتلينا
امر انكتب في اللوح ماهو بيدينا = وما ينكتب عاالعبد ما فيه حيلات
القاف قربت القلم والدواة = ميس من الدنيا ابكتب وصاتي
مادام هاذي حالتي وش حياتي = الموت احسن من حياة كسيفات
الكاف كم لي صابر للبهاذيل =واقول يمكن ينتهي الصبر وزيل
قضت حياتي ما لقينا محاصيل = ياالله بحسن الخاتمة في النهايات
اللام لولا خوفة الناس يدرون = لاقول انافي زين الاوصاف مفتون
لا شك اخشى قولة فلان مجنون = والناس عجلينن بنشر الدعايات
الميم ماادري ياعرب وين باروح = اضحك وأنا قلبي من الهم مجروح
يااهل الهوى لو بارفع الصوت مسموح = خلوني اهيض من الصدر زفرات
النون نوم الناس حارب عيوني = واللي يعرفون الهوى بيعذروني
يا حسرتي ان كان احبابي جفوني = ضاع العمر ولا تفيد الحسوفات
الها هويته في عصور الجهالة = وفرشت قلبي منزل له لحاله
انا اشهد ان عز مالي فدا له = ودي اشوفه لو لحقني خسارات
الواو وين القى مظنة فؤادي = اللي الا جيته تسهل مرادي
هذا الذي ماطاع هرج الاعادي = يا رب تغفر مامضى من ذنوبي
تمت وصلى الله عداد الهبوبي = على النبي سيد جميع البريات
[/poet]