( ليه الهوى ؟ ) لحن جديد بين أستاذي العزيز أبي فياض و بيني
لحن جديد بين أستاذنا العزيز أبي فياض و بيني أتمنى أن أكون قد جاريته فيه ، و لا أقول ناددته فيه فما أنا إلا تلميذ يتعلم في مدرسته .
[poet font="Simplified Arabic,5,darkblue,bold,italic" bkcolor="transparent" bkimage="backgrounds/18.gif" border="double,4,gray" type=2 line=200% align=center use=ex length=0 char="" num="0,black" filter=""]
محمود عزازي /
ليه الهوى لا هوى يهوى = هاوي و هاوي هوى هاويه ؟
يهوى الهوى فوق ما يقوى = و كلا يظن الهوى مغليه
محمد صديق/
الكل لنُّه سمع نجوى = ينساق للود و يلاغيه
و يذيع بين العرب شكوى = يحسب هبوب الهوى عانيه
محمود /
ليه على ما سبق دعوى = عن الهوى و جور ما يسويه
من الذي فالهوى يسوى = فعين الهوى و الهوى شاريه ؟
محمد /
نظرت دعواك و القضوى = و عرضتها للحكم يبديه
قال الهوى أس للبلوى = على قدر ما أخذ يعطيه
محمود /
وقعه على المشفق استقوى = يبغاه ملكه و بين يديه
يمنيه و غيره منه يروى = و يرويه من ري متوريه
محمد /
باطل وماله منه رجوى = مادام غيره ورد ساقيه
و اللي ورد ساقته نقوى = لا وَرَّدَ الغير .. وش له فيه ؟
محمود /
أفتيتني بجيد الفتوى = و رأيك حقيقة أنا ما انفيه
بس الهوى ليه له هقوى = واحد من الناس ما يرضيه ؟
محمد /
السابق اللي سرى و اغوى = حبر القلم .. قصدي استوفيه
يا كم للود من سهوى = و كثر العتب فيه ما يجديه
أشوف أنا صفحته تطوى = و لا بد يلقى الهوى راعيه
اللي جعل للهوى مأوى = قلبه و اخلص بما ينويه
[/poet]
[align=center]خالص مودتي للجميع
أبو واصل [/align]
