بشيرررررررررررررررررر والبنك

لما الواحد فينا احنا طبقه الكادحين الغلابا تجليه شغله فالبنك وياكثرها هذى الايام الواحد يفكر فيها من الليل كيف الزحمه وكيف الموظفين يعاملوك كأنك تشحت منهم وكيف حارس الامن يدفك ويخرجك من السرا
ياناس ياهو اليوم اخوكم بشير راح البنك عنده شغله مهمه لاتفكروه ايداع المهم جينا من صباح رب العالمين ووقفنا فالشارع ومرمطونا حتى فكو الباب يعنى تعدت الساعه تمانيه ونص وهاذولا مطنشين ولما فكو الباب نقول السلام عليكم ورحمه الله وبركاته ولا ردو المسلمين واللى يقهرك انك تمسك سرا وما تتعدى النظام يجى واحد من بره يطالع فللى واقفين فالسرا ويرمقهم بنظرة استعلاء وتسمعه يقول بالصوت الحيانى صباح الاشطه يا ........ ويفز الصراف من مكانه ويرحب به هاشا باشا ويفتحله الباب ويدخله عنده وهاتك يا نسكافه وهرجه وضحك ويناول الظرف منه وخلاص
بعد قليل يدخل شخص ثانى وتسمع صباح الخير يازول دايرين نودع فالحساب ونفس القصه واحنا نطالع فبعض
المهم القصه طويله ومافحالى اكملها
والسؤال الى متى يضيع الفقير فالبلد
الى متى نمشى من غير نظام ومتى نحترمه
الى متى يخون الموظف الامانه
نهاركم إشطه او زيتون
وسامحونا

والله يا بشير انك جيتني على الجرح اسم بنك من البنوك ويحمل بجانب أسمه اسم دوله عظمي من يومين موقفين حسابي ماني قادر اسحب أو ا حول ولا احد عارف ايش المشكله واتصلات على الرقم المجاني اليوم اللي انحلت المشكله الاخوان مسوين فيها حريصيين على حسابات العملاء عارف وش طلعت المشكله والله العظيم زي ما أقولك تحديث معلومات ايش المعلومات الي تبغوها تخيل يا بشير ايش يقول ... تحديث معلومات صندوق البريد تدري ايش سويت كسرت سماعه التلفو ن عندما خبطتها على التلفون من القهر كل شي في البنوك غلط بغلط .... الله يستر بكره يتصل على الجوال ما رديت عليه وقف لك الحساب يقولك مساله أمنييه خذ علمه شي يجيب الحنبتري يابشير ... ابو زارع

والله يا بشير كلامك صحيح وهذه معضلة يعاني منها أصحاب الطبقة الكادحة

وقفت أمس في أحد البنوك وعندما أردت آخذ ورقة السرا ما أدري إيش قال اللي يوزع الأوراق أنا ماسمعته يمكن يسألني عن شيء المهم أنا مافهمت فقلت له نعم يعني أعد كلامك فلم يرد وأعطاني ورقة رقمها 21 وجاء واحد بعدي وأعطاه رقم فوق المية وعندما رأى ورقتي قال ليه إنت 21 قلت ما أدري وسمع الموظف نقاشنا وشك في الأمر فسألني هل عندك بطاقة تميز قلت له لا ما أحد أعطاني .. قال أجل ليش تاخذ رقم 21 ؟ قلت أنا ما أخذته يا أخي إنت أعطيتني الرقم قال أنا سألتك وقلت نعم قلت له والله ما سمعت سؤالك ..فسحب مني رقم 21 بصفاقة وأعطاني 194 تأديبا لي وردعا لأمثالي ..
أما مشكلة الوساطات فهي موجودة يا بشير ولا تسمع كلام أبو زارع يوريك أنه طفشان من البنك وهو له أعوان وأصحاب في البنوك بس هذه تطييرة عين وحتى البنك اللي في المنتدى مع أبو زارع سمن على عسل

فكر يابشير في موضوع مهم جدا نتفق مع بعضنا ونسوي بنك كل الذي نحتاجه صندوق حديد وحارس لأننا نحط الفلوس اليوم وناخذها بكرة ويا بنك ما دخلك رصيــد .. تحياتي.

[align=right]اشوف الشغله هنا فضفضه وأروح لمين وأقول يامين ، انا ياخويا تبع الأنس وقلبي ملياااان أبغى اريحه ، ومعااااكم حتى فالأخير نقعد ندعي زي اللي في البيوت ..
وأقولكم ايش حصل معايا كمان من البنوك ..
جاتني رسايل من الجوال يحذروني بأني على وشك استهلاك الحدالأئتماني ، اتصلت بهم قالوا لي قدم طلب علشان تزيده وانتظر ويمكن يوافقوا ويمكن لا ، طبعا أنا عارف إن لالالا صاحبتنا هي اللي تجيني حسب ماتعودت ، ايش اعمل ؟؟!! المقرود مقرود لو ولعوا له ألف عمود ( لااحد يترجمها باللغة الهيروغليفية المحشية ) ، رحت الصراف ولقيت الفاتورة السابقة اللي سددتها لازالت موجودة وتعطيني الماكينة اشعار بأنها مسددة وسألت قالوا مايشيلوها الا بعد ما يحطوا الفاتورة الجاية ، رحت جري لخدمات المشتركين وقلت لهم ماني عارف فين اسدد ، لقيت ماكينة التسديد عندهم عطلانة ( ليا سنة كل مااجيهم عطلانة ؟؟ !! ) ، الشباب ماقصروا استخرجوا لي فاتورة تحت الحساب ، وفرررر على أول بنك .. ومايحتاج أقولكم عن البنوك وآآآه من البنوك وخاصة الأيام الناس مداومين معاهم بس في الشارع من طول الطوابير .... الغاية البنك ماقبل يسددها يقولوا التسديد عن طريق الصراف فقط ولاعندنا برنامج للتسديد تحت الحساب ، وأجري على البنك الثاني قالوا نفس الشي والثالث والرابع وأذن عليا الظهر وأنا زي الشحومه المصروعة من كثر الجري والفرفرة ، وأرجع أتصل على الرقم اللي يارب ما تبتلوا به وهو اللي يجيب الضغط والمغط والسكر والمكر يالطيف ، رقم 902 وطبعا الكل واصله معاه منه ومن اللطعات ومن مسجل لمسجل ولاتسمع صوت حضرة جناب سعادة الموظف الا وانت خلااااص ماتبغى تقول له شي الا .... ، ولو ما الحيا وانه موظف غلبان احس به كان نزلت عليه من الكلام اللي اللي لايسر ولايمر ، الحاصل قعدت اشرح المشكلة للموظف وأعيد عرض الحلقات وماطلعت منه بشي غير اني ( انتظر ) وبعد اربع وعشرين ( يمكن ) يطلع لي حظ .. طبعا المسألة محسومة .. ماعندي غير الخلا ابرد لي .. واطرق له ..
انا الأن انتظر عطف الشركة الي مصت الفلوس علشان خدمات مات مات مات ..
ولازال البحث جاري عن بنك يقبل التسديد تحت الحساب للشركة ..
ولازال المواطن ينتظر الحظ .. تحت تهديد الشركة بفصل الخدمة عنه ..
مراسل الغلابة ، من أمام البنوك .. ينبع
سامحونا .. مع أطيب تحياتي [/align]

والله العظيم حصلت لي نفس القصة في بنك الرياض في ينبع
بنك الرياض بنك الرياض بنك الرياض
بنك الرياض
بنك الرياض
بنك الرياض الله يكافيهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!

اخواني
تبغووا بنك يقدركم ويقدر حسابتكم ويقدر من اي عملية بنك سامبا في الهيئة
ليس دعاية ولا مجاملة بل حقيقة لاني اعمل في احدي الشركات الكبيري في الهئية واعمل محاسب وقد ذهبت الي عدة بنوك بدون ذكرها وما حصلت افضل في تقدير العميل من سامبا
وعلي فكرة يسدد الفواتير اي كانت وفي اي وقت الصباح والعصر وكمان خدمات الهاتف المصرفي روعة روعة وكمان ايداع في الماكينة وكمان لو تشوف الصرافين وكيف حركتهم تقول العميل وبس
وجهة نظر وليس مدح ودعاية

[align=center]بشير عارفين الحكايه رحت تكتتب فى شركه ينساب ليش تدس واحد شافك يقول بشير معاه فوق 25 دفتر عايله الله يزيدك يا بشير ما تبعني دفترين اترزق الله فيهم ورايح في اخر يوم ليش مارحت من بدري بنكونا احسن بنوك في العالم ولو ما الزحمه المشكله ماهي فى البنوك المشكله في المرور

اسمع يابشير وش حصل في المرور واحد من الزملاء في العمل استقدم عامله منزليه بأسم والدته ووالدته أرمله وكبيره في السن المهم جاب الشغاله وراح يستخرج أقامه قالو في غرامه علي الكفيل ...والكفيل أمه بشير والله العظيم صدقني هذا اللي حصل بالحرف الواحد راح المرور ادخل السجل المدني قالو له فلانه بنت فلان غرامه 150 ريال غرامه أيش يا جماعه قالو سرعه سرعه أيش امي عمرها سبعين سنه قال أجل السياره بأسمها قاله انا ما عندي سياره ومن فين لأمي سياره المهم روحات وجيات تدري أيش النهايه دفعها وش رايك يابشير فى هذه المهزله يقول رجعت البيت وقلت شوفي ياامي لا تزيدى عن 120 فى الطريق[/align] ...

ازيدك من الشعر بيت يا بشير
عندي حساب في بنكي بنك الرياض وبطاقه صراف وبعد ما زادت الحسبه اللهم لا حسد قرر البنك يعطيني بطاقه ذهبيه يعني بطاقه تميز ورحت اسحب ببطاقه الصراف العاديه قبل ما استلم البطاقه الذهبيه الا الماكينه سحبتها ورجعت البنك قالوا لانه عندك طلب اصدار بطاقه ذهبيه وما يسير حساب له بطاقتين طيب علي عيني وراسي نمشيها طيب انا اصلا ما استلمت البطاقه الذهبيه كيف توقفوا البطاقه العاديه. وبس وعشقت الونبت وحملت الفلوس وحطيتها تحت راسي وخليت مدير البنك يبرم.

ياما بنشووووووووووووووووووف كثير زي كذا

انا معاك يابشير كل شئ عندنا غلط بغلط مو بس البنوك لكن عندي ملاحظه وهي ان الطبقة الكادحه لاتعرف معنى كلمة بنك


اللهم لاحسد

بشير صاحب عين مجرده تجاه الخدمات ,وهذا جميل جدا ,بنقل الملاحظه كما شاهدها ,ولو انه يتحامل على بعض الجهات مثل البلدية ,لكن لهذا وضع خاص ومن حقه انا اعرف ان ذكرها يزعله لكن معليش .وتابعت جميع مداخلات الاخوان اعلاه منها احببت المشاركة ليس تسجيل حادثةبعينها بل خاطره او فكره وددت مشاركتكم بها بقصد الفائده وهي:
كيف نقيم الخدمات المقدمه للجمهور من قبل المصالح والموسسات ذات العلاقه والتي لها دور كبير في حياة المواطنين مثل البلدية الاتصالات - الكهرباء - البنوك - الصحه .الخ حسب اهميتها وارتباط المواطن بها .
لو ان كل واحد منا سجل ملاحظاته التي ادت لتعطيل وتضييع الوقت عليه عند مراجعته لااحد المصالح في امر من امور الحياة .بكل مصدقية وصراحة لخرجنا بفوائد كثيره مثل:
1- التعرف على السلبيات وطرق معالجتها وكذلك ذكر الايجابيات وتطويرها وتحسينها.
2-التعرف على بعض المعلومات التي قد اكون اجهل بها وغيري يعرفها.
3-الاستفاده الحقيقة من وجود مثل هذه المواقع او بمعنى اشمل تصخير النت في خدمة المجتمع سواء بالمشاركة اوالاطلاع .
4-خلق مواطن ايجابي وخلع ثياب السلبيه التي لبسناها من الاجيال التي سبقتنا.نعم هذه حياتنا ومصالحنا ألآ تستحق ان نهتم ونتابع ونراقب من كلفوا في تقديمها لنا.وهذا اقل حقوقي رئيس البلدية او مدير البنك جالس بمكتبي الذي منه يخدمني لانه هنا بسببي انا المواطن.
5-نحن بهذا نقدم لهذه الجهات خدمة ليس من السهل الحصول عليها بل البعض يدفع المبالغ الطائلة حيال معرفة الشكاوي والاقتراحات حيال تحسين خدمة العملاء في ادارته.
لذا احببت تفاعلكم ان كانت هذه الفكره تصلح ان تكون نواة في الوصول للفضل تجاه مايخدم ابن البلد والمقيم بها من تلك المصالح والموسسات الخدمية.

ابو زارع شكرا لك
ابو سفيان شكرا لك
محب الموروث شكرا لك
المارد شكرا لك
باسكن روبنز شكرا لك
الياس شكرا لك
الواد شكرا لك
صوت التوانى شكرا لك
الشاهين شكرا لك